Innlent

Lokatölur í Norðaustur: Samfylking heldur einum manni

Hulda Hólmkelsdóttir skrifar
Allar líkur eru á að Logi Einarsson verði eini þingmaður Samfylkingarinnar í Norðausturkjördæmi
Allar líkur eru á að Logi Einarsson verði eini þingmaður Samfylkingarinnar í Norðausturkjördæmi

Logi Einarsson, oddviti Samfylkingarinnar í Norðausturkjördæmi er eini kjördæmiskjörni þingmaður flokksins eins og staðan er núna. Ólíklegt er að Samfylkingin nái inn jöfnunarþingmanni í kjördæminu. Samfylkingin hlaut 1816 atkvæði í kjördæminu eða 8 prósent.

Sjálfstæðisflokkurinn er stærsti flokkurinn í kjördæminu og hlaut 6014 atkvæði eða 26,5 prósent. Næst stærsti flokkurinn í kjördæminu er Framsóknarflokkurinn með 4542 atkvæði eða 20 prósent. Björt framtíð hlaut 774 atkvæði eða 3,4 prósent og nær ekki manni inn á þing. Þá hlaut Viðreisn 1482 atkvæði eða 6,5 prósent og samkvæmt því nær Benedikt Jóhannesson, formaður flokksins, sæti sem jöfnunarþingmaður.


Stöð2/Grafík

Eins og tölurnar standa núna er Sjálfstæðisflokkurinn stærsti flokkurinn á þingi með 28,9 prósent atkvæða á landsvísu. Vinstri græn koma þar á eftir með 16,3 prósent atkvæða á landinu öllu og þá koma Píratar með 14,6 prósent. Samkvæmt þessu er möguleiki á að mynda tveggja flokka ríkisstjórn, en það hefur ekki verið ljóst undir morgun. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira