Innlent

Lokatölur í Suðurkjördæmi: Unnur Brá nær endurkjöri

Hulda Hólmkelsdóttir skrifar
Unnur Brá Konráðsdóttir nær endurkjöri. Athygli vakti þegar hún mætti með ungabarn  í pontu Alþingis á dögunum.
Unnur Brá Konráðsdóttir nær endurkjöri. Athygli vakti þegar hún mætti með ungabarn í pontu Alþingis á dögunum. Vísir/Skjáskot

Unnur Brá Konráðsdóttir, þingkona Sjálfstæðisflokksins, nær endurkjöri samkvæmt lokatölum í Suðurkjördæmi, en talningu lauk þar klukkan 7:10 í morgun.

Kjörsókn var 78,5% og er Sjálfstæðisflokkurinn stærsti flokkurinn í kjördæminu með 8509 atkvæði eða 31,5 prósent. Næst stærsti flokkurinn í kjördæminu er Framsóknarflokkurinn með 5154 atkvæði eða 19,1 prósent.

Þá hlaut Viðreisn 1983 atkvæði eða 7,3 prósent og ná samkvæmt því einum þingmanni í kjördæminu, henni Jónu Sólveigu Elínardóttur. Samfylkingin nær einum manni inn með 6,4 prósent en Oddný G. Harðardóttir, formaður flokksins, nær jöfnunarsæti.

Eins og tölurnar standa núna er Sjálfstæðisflokkurinn stærsti flokkurinn á þingi með 29,1 prósent atkvæða á landsvísu. Vinstri græn koma þar á eftir með 15,8 prósent atkvæða á landinu öllu og þá koma Píratar með 14,5 prósent.

Von er á síðustu tölum í Norðvesturkjördæmi um átta leytið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira