Heiðursdoktor Listaháskóla Íslands fyrstur manna Gunnþóra Gunnarsdóttir. skrifar 18. júní 2016 09:15 „Ég sé mig alltaf sem manninn á gólfinu,” segir Hjálmar sem brá svolítið svolítið þegar hann frétti um heiðursdoktorsnafnbótina. Vísir/Hanna Þegar Fríða Björk rektor hringdi og kynnti mér þessa niðurstöðu skólans brá mér svolítið, nafnbótin hefur svo mikla virðingu yfir sér en ég sé mig alltaf sem manninn á gólfinu,“ segir Hjálmar H. Ragnarsson, nýbakaður heiðursdoktor við Listaháskólann. „En Hjálmar, ég vissi ekki að þú værir orðinn svona gamall!“ var það fyrsta sem Ásu konu minni datt í hug. Ég benti henni á að töluvert yngri maður en ég hefði fengið þessa nafnbót nýlega, Barack Obama. Mér líður ekki eins og þetta sé grafskrift.“ Hjálmar lét af embætti 2013 og kveðst þá aftur hafa farið í sitt „náttúrulega ástand,“ að vera tónskáld og tónlistarmaður. „Ég fór virkilega að æfa mig. Spilaði á píanóið marga klukktuíma á dag og hlustaði á tónlist, jafnvel það nýstárlegasta í tónlist samtímans. Er búinn að klára nokkur verk og nú er ég að vinna að píanóverki og öðru fyrir strengjahljómsveit.“ Hann kveðst annars vegar skáld laglínutónlistar og hinsvegar tilraunamaður. „Mér fannst, þegar ég hætti sem rektor, mikilvægt að endurnýja mig og fara eftir því sem ég hafði predikað í skólanum, að vera óhræddur við mistök. Undirstaða menntunar er að láta forvitnina leiða sig áfram.“ Sæmdina nú hlýtur Hjálmar fyrir starf sitt að uppbyggingu listmenntunar á háskólastigi. Hann var fyrsti rektor Listaháskólans sem kennsla hófst í 1999 og segir embættið hafa verið lærdómsferli. „Ég var listamaður en fór inn í stjórnunarhlutverk með mikla ábyrgð og veltu á fjármunum. En maður verður að vera nákvæmur og heiðarlegur í listinni, ég yfirfærði það í reksturinn og var líka með gott og ábyrgt fólk mér við hlið. Með margar listgreinar undir sama hatti var Listaháskólinn viss brautryðjandi á alþjóðavísu þegar hann byrjaði. „Við þurftum að finna töfraformúluna. En vorum svo heppin að hafa menntamálaráðherra sem hafði brennandi áhuga á skólanum, Björn Bjarnason. Ég skrifaði honum kannski um miðja nótt og fékk svar klukkan 05 - það var bara ekki sofið!“ segir Hjálmar. „Ég tek fram að ég tel mig fulltrúa þess hóps sem stóð að stofnun skólans. Það var ekki eins manns verk.“ Menning Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Herra Hnetusmjör og Sara selja íbúðina Lífið Kosningavökur frambjóðenda: Hvar verða mestu fagnaðarlætin? Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Þegar Fríða Björk rektor hringdi og kynnti mér þessa niðurstöðu skólans brá mér svolítið, nafnbótin hefur svo mikla virðingu yfir sér en ég sé mig alltaf sem manninn á gólfinu,“ segir Hjálmar H. Ragnarsson, nýbakaður heiðursdoktor við Listaháskólann. „En Hjálmar, ég vissi ekki að þú værir orðinn svona gamall!“ var það fyrsta sem Ásu konu minni datt í hug. Ég benti henni á að töluvert yngri maður en ég hefði fengið þessa nafnbót nýlega, Barack Obama. Mér líður ekki eins og þetta sé grafskrift.“ Hjálmar lét af embætti 2013 og kveðst þá aftur hafa farið í sitt „náttúrulega ástand,“ að vera tónskáld og tónlistarmaður. „Ég fór virkilega að æfa mig. Spilaði á píanóið marga klukktuíma á dag og hlustaði á tónlist, jafnvel það nýstárlegasta í tónlist samtímans. Er búinn að klára nokkur verk og nú er ég að vinna að píanóverki og öðru fyrir strengjahljómsveit.“ Hann kveðst annars vegar skáld laglínutónlistar og hinsvegar tilraunamaður. „Mér fannst, þegar ég hætti sem rektor, mikilvægt að endurnýja mig og fara eftir því sem ég hafði predikað í skólanum, að vera óhræddur við mistök. Undirstaða menntunar er að láta forvitnina leiða sig áfram.“ Sæmdina nú hlýtur Hjálmar fyrir starf sitt að uppbyggingu listmenntunar á háskólastigi. Hann var fyrsti rektor Listaháskólans sem kennsla hófst í 1999 og segir embættið hafa verið lærdómsferli. „Ég var listamaður en fór inn í stjórnunarhlutverk með mikla ábyrgð og veltu á fjármunum. En maður verður að vera nákvæmur og heiðarlegur í listinni, ég yfirfærði það í reksturinn og var líka með gott og ábyrgt fólk mér við hlið. Með margar listgreinar undir sama hatti var Listaháskólinn viss brautryðjandi á alþjóðavísu þegar hann byrjaði. „Við þurftum að finna töfraformúluna. En vorum svo heppin að hafa menntamálaráðherra sem hafði brennandi áhuga á skólanum, Björn Bjarnason. Ég skrifaði honum kannski um miðja nótt og fékk svar klukkan 05 - það var bara ekki sofið!“ segir Hjálmar. „Ég tek fram að ég tel mig fulltrúa þess hóps sem stóð að stofnun skólans. Það var ekki eins manns verk.“
Menning Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Tvöföld veisla hjá Gnarr feðgum Lífið Bannaði Snorra að kjósa Arnar Þór Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Herra Hnetusmjör og Sara selja íbúðina Lífið Kosningavökur frambjóðenda: Hvar verða mestu fagnaðarlætin? Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira