Fluguköst til að styrkja sál og líkama Lilja Björk Hauksdóttir skrifar 6. júní 2016 14:15 Hópurinn sem fór í Kastað til bata veiðiferðina í vikunni, þátttakendur, skipuleggjendur og leiðsögumenn. „Kastað til bata“ er verkefni á vegum Brjóstaheilla – Samhjálpar kvenna, Krabbameinsfélagsins og styrktaraðila, þar sem konum er boðið í veiðiferð. Verkefnið hófst árið 2010 og er hugmynd frá Bandaríkjunum, „Casting for recovery“, og er hugsað sem endurhæfing fyrir konur sem lokið hafa meðferð við brjóstakrabbameini. Markmiðið er að veita konum tækifæri til að styrkja sig á líkama og sál með því að æfa fluguköst í fögru umhverfi, njóta samvista við veiðifélaga með svipaða reynslu og veiða ef heppnin er með.Ómetanleg upplifunÍ síðasta mánuði var farið í sjöunda sinn í „Kastað til bata“ veiðiferð og tók Guðrún Kristín Svavarsdóttir næringarrekstrarfræðingur þá þátt í verkefninu í annað sinn. Í fyrra fór hún sjálf í veiðiferðina í Laxá í Kjós en núna var hún einn af skipuleggjendunum þegar farið var í Langá á Mýrum. „Það er ómetanlegt fyrir konur í þessari stöðu að hittast til að styrkja sig á sálinni. Að skipta algjörlega um umhverfi og fara út í fallega íslenska náttúru með hressum og flottum konum sem eru búnar að vera að kljást við það sama og maður sjálfur. Þarna erum við að leita stuðnings hjá hver annarri, hver og ein miðlar upplýsingum og þiggur upplýsingar og þetta veitir ótrúlegan styrk,“ lýsir Guðrún. Hún nefnir að auk þess sé stangveiði góð líkamleg æfing fyrir konur sem hafa misst brjóst sín. Sjálf greindist hún með brjóstakrabbamein 46 ára gömul og var í meðferð árið 2014. „Hjá mér var vinstra brjóstið og eitlar teknir og þetta eru góðar líkamlegar æfingar fyrir þessi svæði. Ég kláraði mína meðferð 2014, er þó enn að sprauta mig á fjögurra vikna fresti og tek töflur á hverjum degi en allt þetta stóra er búið.“Guðrún segir það vera æðislegt að vera komin í vöðlur og leiðast svo tvær og tvær og krossa árnar alveg þvert.Ekki hægt án stuðningsaðila Ferðin er þátttakendum að kostnaðarlausu en Guðrún segir að svona veiðiferð myndi aldrei takast nema með góðum stuðningsaðilum. „Þar er Stangveiðifélag Reykjavíkur og Veiðihornið, að öllum öðrum ólöstuðum, með rosalega flottan stuðning við okkur og styrki. Fimm til sjö leiðsögumenn og vanir fluguveiðimenn frá Stangveiðifélaginu koma með í ferðina og kenna þátttakendum að kasta flugu. Fjórtán konur fara í ferðirnar og oftast er hver leiðsögumaður með tvær til þrjár konur að kenna réttu handtökin og tæknina. Við veiðum nú samt ekkert,“ segir Guðrún og skellir upp úr en segir að það sé heldur ekki tilgangurinn með ferðinni. „Það veiddist ekkert í þessari ferð en í fyrra veiddust nokkrir grútlegnir laxar. Það er aðalatriðið að vera saman úti í náttúrunni, það er ómetanlegt. Í þessum ferðum sem ég hef farið í hefur verið hátt í 30 ára aldursmunur á konunum en það skiptir engu máli. Það er gott að heyra hvernig konur upplifa þetta ólíkt og það er misjafnt hvernig við tökumst á við þetta þannig að við getum virkilega lært hver af annarri.“"Það er aðalatriðið að vera saman úti í náttúrunni, það er ómetanlegt,“ segir Guðrún.Flestar að reyna nýja hluti Þrátt fyrir að vera í því að skipuleggja ferðina að þessu sinni, að passa að allt gengi sem best og yrði sem þægilegast fyrir þátttakendur, fékk Guðrún tækifæri til að kasta sjálf flugu af bakkanum. „Þannig að þetta er allt að koma en ég er alls engin veiðikona,“ segir hún og hlær. „En þetta kveikir í mörgum og er virkilega skemmtilegt. Það hafa nokkrar í báðum ferðunum sem ég hef farið í verið að veiða áður en líka margar sem eru bara með beitu og spún í byrjun en fara svo yfir í flugu. Svo lærum við að hnýta flugu og okkur er kennt að vaða. Það er æðislegt að vera komin í vöðlur og leiðast svo tvær og tvær og krossa árnar alveg þvert, það er rosalega gaman. Við erum flestar að gera eitthvað í þessum ferðum sem er algjörlega nýtt fyrir okkur.“ Guðrún segir að áframhald verði á þessum ferðum enda hafi þátttakendur verið afar ánægðir og margar konur úr fyrri ferðum haldi enn hópinn. „Konurnar þurfa samt að vera búnar með meðferð því þetta er mikil útivera og tekur dálítið á.“ Mest lesið Hildur Yeoman lofuð í hástert á Style Bubble Lífið Rokkar pils sem bol og snýr flíkum öfugt Tíska og hönnun Óvíst hvort Ísland verði með í Eurovision Lífið „Ég elskaði þig í fyrra lífi, ég elska þig í þessu lífi og mun finna þig í næsta“ Lífið Troðfull Þorlákskirkja minntist Karls Sighvatssonar Tónlist Brúðarbíllinn gömul dráttarvél frá langafa Lífið Skringilega stór kaffibolli: „Ég verð aldrei aftur hreinn“ Lífið Tjáði sig um ástarsambandið sem splundraði tveimur hjónaböndum Bíó og sjónvarp Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Próteinríkt avókadó-salat að hætti Önnu Eiríks Matur Fleiri fréttir „Ég elskaði þig í fyrra lífi, ég elska þig í þessu lífi og mun finna þig í næsta“ Sjarmerandi Vesturbæjarperla með sjávarútsýni Óvíst hvort Ísland verði með í Eurovision Guðrún Sørtveit og Steinar „loksins“ trúlofuð Skringilega stór kaffibolli: „Ég verð aldrei aftur hreinn“ Brúðarbíllinn gömul dráttarvél frá langafa Stjörnulífið: „Skemmtilegasta kvöld lífs míns“ Rick Davies í Supertramp er látinn Gleði og samvera í 60 plús leikfimi á Selfossi Kynlífsstellingar sem kveikja í kofanum Virkilega sláandi lífsreynsla að koma til Grindavíkur Bein útsending: Haustbingó Blökastsins Slóvenar draga sig úr Eurovision ef Ísraelar verða með Myndaveisla: Líf og fjör á Ljósanótt Vill brúa bilið milli almennings og réttarkerfisins Krakkatían: Eurovision, skíðasvæði og portúgalska Pamela slær á sögusagnirnar Gullkistan opnuð á Vestfjörðum Nýupptekið grænmeti á Flúðum í dag og opnar garðyrkjustöðvar Haustbingó í beinni á sunnudag Fréttatía vikunnar: Friðlýsing, frumsýning og handtaka Allt ætlaði um koll að keyra í Borgarleikhúsinu Hleypur 110 kílómetra á dag til að setja heimsmet Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Friðrik Þór og Guðrún selja 225 milljón króna parhús í Hlíðunum Sjá meira
„Kastað til bata“ er verkefni á vegum Brjóstaheilla – Samhjálpar kvenna, Krabbameinsfélagsins og styrktaraðila, þar sem konum er boðið í veiðiferð. Verkefnið hófst árið 2010 og er hugmynd frá Bandaríkjunum, „Casting for recovery“, og er hugsað sem endurhæfing fyrir konur sem lokið hafa meðferð við brjóstakrabbameini. Markmiðið er að veita konum tækifæri til að styrkja sig á líkama og sál með því að æfa fluguköst í fögru umhverfi, njóta samvista við veiðifélaga með svipaða reynslu og veiða ef heppnin er með.Ómetanleg upplifunÍ síðasta mánuði var farið í sjöunda sinn í „Kastað til bata“ veiðiferð og tók Guðrún Kristín Svavarsdóttir næringarrekstrarfræðingur þá þátt í verkefninu í annað sinn. Í fyrra fór hún sjálf í veiðiferðina í Laxá í Kjós en núna var hún einn af skipuleggjendunum þegar farið var í Langá á Mýrum. „Það er ómetanlegt fyrir konur í þessari stöðu að hittast til að styrkja sig á sálinni. Að skipta algjörlega um umhverfi og fara út í fallega íslenska náttúru með hressum og flottum konum sem eru búnar að vera að kljást við það sama og maður sjálfur. Þarna erum við að leita stuðnings hjá hver annarri, hver og ein miðlar upplýsingum og þiggur upplýsingar og þetta veitir ótrúlegan styrk,“ lýsir Guðrún. Hún nefnir að auk þess sé stangveiði góð líkamleg æfing fyrir konur sem hafa misst brjóst sín. Sjálf greindist hún með brjóstakrabbamein 46 ára gömul og var í meðferð árið 2014. „Hjá mér var vinstra brjóstið og eitlar teknir og þetta eru góðar líkamlegar æfingar fyrir þessi svæði. Ég kláraði mína meðferð 2014, er þó enn að sprauta mig á fjögurra vikna fresti og tek töflur á hverjum degi en allt þetta stóra er búið.“Guðrún segir það vera æðislegt að vera komin í vöðlur og leiðast svo tvær og tvær og krossa árnar alveg þvert.Ekki hægt án stuðningsaðila Ferðin er þátttakendum að kostnaðarlausu en Guðrún segir að svona veiðiferð myndi aldrei takast nema með góðum stuðningsaðilum. „Þar er Stangveiðifélag Reykjavíkur og Veiðihornið, að öllum öðrum ólöstuðum, með rosalega flottan stuðning við okkur og styrki. Fimm til sjö leiðsögumenn og vanir fluguveiðimenn frá Stangveiðifélaginu koma með í ferðina og kenna þátttakendum að kasta flugu. Fjórtán konur fara í ferðirnar og oftast er hver leiðsögumaður með tvær til þrjár konur að kenna réttu handtökin og tæknina. Við veiðum nú samt ekkert,“ segir Guðrún og skellir upp úr en segir að það sé heldur ekki tilgangurinn með ferðinni. „Það veiddist ekkert í þessari ferð en í fyrra veiddust nokkrir grútlegnir laxar. Það er aðalatriðið að vera saman úti í náttúrunni, það er ómetanlegt. Í þessum ferðum sem ég hef farið í hefur verið hátt í 30 ára aldursmunur á konunum en það skiptir engu máli. Það er gott að heyra hvernig konur upplifa þetta ólíkt og það er misjafnt hvernig við tökumst á við þetta þannig að við getum virkilega lært hver af annarri.“"Það er aðalatriðið að vera saman úti í náttúrunni, það er ómetanlegt,“ segir Guðrún.Flestar að reyna nýja hluti Þrátt fyrir að vera í því að skipuleggja ferðina að þessu sinni, að passa að allt gengi sem best og yrði sem þægilegast fyrir þátttakendur, fékk Guðrún tækifæri til að kasta sjálf flugu af bakkanum. „Þannig að þetta er allt að koma en ég er alls engin veiðikona,“ segir hún og hlær. „En þetta kveikir í mörgum og er virkilega skemmtilegt. Það hafa nokkrar í báðum ferðunum sem ég hef farið í verið að veiða áður en líka margar sem eru bara með beitu og spún í byrjun en fara svo yfir í flugu. Svo lærum við að hnýta flugu og okkur er kennt að vaða. Það er æðislegt að vera komin í vöðlur og leiðast svo tvær og tvær og krossa árnar alveg þvert, það er rosalega gaman. Við erum flestar að gera eitthvað í þessum ferðum sem er algjörlega nýtt fyrir okkur.“ Guðrún segir að áframhald verði á þessum ferðum enda hafi þátttakendur verið afar ánægðir og margar konur úr fyrri ferðum haldi enn hópinn. „Konurnar þurfa samt að vera búnar með meðferð því þetta er mikil útivera og tekur dálítið á.“
Mest lesið Hildur Yeoman lofuð í hástert á Style Bubble Lífið Rokkar pils sem bol og snýr flíkum öfugt Tíska og hönnun Óvíst hvort Ísland verði með í Eurovision Lífið „Ég elskaði þig í fyrra lífi, ég elska þig í þessu lífi og mun finna þig í næsta“ Lífið Troðfull Þorlákskirkja minntist Karls Sighvatssonar Tónlist Brúðarbíllinn gömul dráttarvél frá langafa Lífið Skringilega stór kaffibolli: „Ég verð aldrei aftur hreinn“ Lífið Tjáði sig um ástarsambandið sem splundraði tveimur hjónaböndum Bíó og sjónvarp Pabbi fyrir tvítugt, ekkill þrítugur, afi um fertugt og veltir rúmum milljarði Áskorun Próteinríkt avókadó-salat að hætti Önnu Eiríks Matur Fleiri fréttir „Ég elskaði þig í fyrra lífi, ég elska þig í þessu lífi og mun finna þig í næsta“ Sjarmerandi Vesturbæjarperla með sjávarútsýni Óvíst hvort Ísland verði með í Eurovision Guðrún Sørtveit og Steinar „loksins“ trúlofuð Skringilega stór kaffibolli: „Ég verð aldrei aftur hreinn“ Brúðarbíllinn gömul dráttarvél frá langafa Stjörnulífið: „Skemmtilegasta kvöld lífs míns“ Rick Davies í Supertramp er látinn Gleði og samvera í 60 plús leikfimi á Selfossi Kynlífsstellingar sem kveikja í kofanum Virkilega sláandi lífsreynsla að koma til Grindavíkur Bein útsending: Haustbingó Blökastsins Slóvenar draga sig úr Eurovision ef Ísraelar verða með Myndaveisla: Líf og fjör á Ljósanótt Vill brúa bilið milli almennings og réttarkerfisins Krakkatían: Eurovision, skíðasvæði og portúgalska Pamela slær á sögusagnirnar Gullkistan opnuð á Vestfjörðum Nýupptekið grænmeti á Flúðum í dag og opnar garðyrkjustöðvar Haustbingó í beinni á sunnudag Fréttatía vikunnar: Friðlýsing, frumsýning og handtaka Allt ætlaði um koll að keyra í Borgarleikhúsinu Hleypur 110 kílómetra á dag til að setja heimsmet Tók sex ólíka stera fyrir hjartastoppið: „Þannig ég segi nei við sterum“ Glæsihöll Livar og Sverris á Arnarnesi til sölu Eldgos og elskhugar á frumsýningu Eldanna Segir Candy hafa séð að faðir hans væri „skrímsli“ á undan öðrum Glæsibústaðir yfir hundrað milljónum Yfir sig ástfangin og býr bæði á Spáni og Íslandi Friðrik Þór og Guðrún selja 225 milljón króna parhús í Hlíðunum Sjá meira