Körfubolti

Fyrirliði Íslandsmeistaranna framlengir

Óskar Ófeigur Jónsson skrifar
Gunnhildur Gunnarsdóttir með nýja samninginn.
Gunnhildur Gunnarsdóttir með nýja samninginn. Mynd/Heimasíða Snæfells

Gunnhildur Gunnarsdóttir, fyrirliði Íslands- og bikarmeistara Snæfells í Domino´s deild kvenna í körfubolta hefur gert nýjan samning við Snæfell. Heimasíða Snæfells segir frá þessu.

Gunnhildur hefur unnið þrjá stóra titla með Snæfelli síðan að snéri aftur á heimaslóðirnar sumarið 2014. Hún er lykilmaður bæði hjá Snæfelli og íslenska landsliðinu.

Gunnhildur var kosin besti varnarmaður Domino´s deildar kvenna annað árið í röð og þá var hún einnig valin í lið ársins annað árið í röð.

Gunnhildur var með 11,6 stig, 4,3 fráköst, 3,2 stoðsendingar og 2,3 stolna bolta að meðaltali í 30 leikjum sínum á Íslandsmótinu. Hún skoraði 23 stig og fimm þriggja stiga körfur í bikarúrslitaleiknum í Laugardalshöll þar sem Hólmarar unnu kvennabikarinn í fyrsta sinn.

Gunnhildur tók við leiðtogahlutverkinu í Snæfellsliðinu þegar Hildur Sigurðardóttir lagði skóna á hilluna og það er ekki mikið hægt að kvarta yfir frammistöðu hennar á fyrsta ári sínu sem fyrirliði.

Gunnhildur Gunnarsdóttir átti mjög gott tímabil þrátt fyrir að hafa glímt við bakmeiðsli í byrjun leiktíðar, axlarmeiðsli um mitt mót og hnémeiðsli í lokin.

Hún harkaði að sér eins og fáir aðrir og leiddi lið sitt til beggja stóru titlana en þetta er í fyrsta sinn sem Snæfellskonur vinna tvöfalt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.