Umfangsmikil viðskipti frá Panama Snærós Sindradóttir og Sveinn Arnarsson skrifa 22. apríl 2016 05:00 Jón Ásgeir Jóhannesson og Ingibjörg Pálmadóttir hafa um margra ára bil verið umfangsmiklir fjárfestar. Verslunin Sports Direct er í eigu Guru Invest, félags Ingibjargar. vísir/vilhelm Félag í eigu Ingibjargar Pálmadóttur, fjárfestis og eiganda 365 miðla sem gefur út Fréttablaðið, sem skráð er í Panama var notað til að greiða hluta skulda Fjárfestingafélagsins Gaums við slitabú Glitnis árið 2010. Gaumur er félag í eigu Jóns Ásgeirs Jóhannessonar, eiginmanns Ingibjargar. Alls fengust 2,4 milljarðar króna upp í 3,3 milljarða króna skuld félagsins við Glitni. Þetta kemur fram í umfjöllun Kjarnans sem unnin er úr Panamaskjölunum. Á fimmtudag birtu fjölmiðlarnir Kjarninn og Stundin ítarlega umfjöllun um fjármál þeirra hjóna Ingibjargar og Jóns Ásgeirs í samstarfi við miðilinn Reykjavík media. Panamaskjölin leiða í ljós að skuldir við slitabú Glitnis voru tvær. Félag hjónanna, 101 Chalet, hafði fengið tveggja og hálfs milljarða króna yfirdráttarlán til að festa kaup á skíðaskála í Frakklandi. Yfirdrátturinn var tekinn í júlí 2008 en þegar kom að skuldadögum, í nóvember 2008, gat félagið ekki greitt lánið til baka. Eftir hrun var félagið 101 Chalet fært yfir til Fjárfestingafélagsins Gaums. Þá skuldaði Gaumur slitabúi Glitnis 723 milljónir króna aukreitis.Jón Ásgeir Jóhannesson sagði í samtali við Stöð 2 árið 2009 að hann ætti engan fjársjóð á Tortóla eða einhvers staðar í suðurhöfum.vísir/vilhelmEins og áður segir kom félag Ingibjargar Pálmadóttur, Moon Capital S.A., að því að greiða þessa skuld upp að hluta. Samkvæmt samkomulagi við slitabú Glitnis var félagið Gaumur sjálfskuldarábyrgðaraðili, félagið 101 Chalet skuldari og félagið Piano Holding sjálfskuldarábyrgðaraðili. Skuldin var greidd með 200 milljón króna reiðufé og afhendingu skuldabréfa sem útgefin eru af Íbúðalánasjóði. Markaðsvirði þeirra var 2,2 milljarðar króna samkvæmt umfjöllun Kjarnans. Hjá Kjarnanum kemur fram að samkomulagið hafi falið í sér að slitabú Glitnis myndi þá telja lánin greidd. Með öðrum orðum voru 800 milljónir króna afskrifaðar. Jón Ásgeir átti 41 prósenta hlut í Gaumi ásamt systur sinni og foreldrum. Með samkomulaginu og skuldaniðurgreiðslunni gat hann haldið félaginu áfram en það var ekki gefið upp til gjaldþrotaskipta fyrr en síðla árs 2013. Gjaldþrotaskiptum lauk í mars á þessu ári. 14,8 milljónir fengust upp í kröfur búsins sem námu 38,7 milljörðum króna. Félag Ingibjargar var upphaflega stofnað í október 2007 af Landsbankanum í Lúxemborg í gegnum lögfræðistofuna Mossack Fonseca í Panama. Þá átti félagið að heita OneOOne Entertainment S.A. en þetta er öfugt við þau skúffufélög sem Panamaskjölin hafa opinberað hingað til sem hafa borið nöfn algjörlega ótengd eigendum þeirra sem virðast hafa verið valin handahófskennt. Félagið fékk svo nafnið Moon Capital S.A. árið 2010. Ingibjörg á annað félag með sama nafni sem skráð er í Lúxemborg en eignarhald 365 miðla er að stórum hluta í gegnum það félag. Þegar samkomulag Moon Capital S.A. við slitabú Glitnis var í höfn var nafni félagsins breytt á ný og heitir það nú Guru Invest S.A. Félagið hefur staðið í lánveitingum til félaga í Evrópu sem mörg hver eru tengd Jóni Ásgeiri Jóhannessyni. Þau félög hafa svo fjármagnað starfsemi hér á landi og í útlöndum. Fréttablaðið sendi ítarlega fyrirspurn til Ingibjargar og Jóns Ásgeirs í sitthvoru lagi. Meðal annars var spurt hvort félagið væri notað til að fela fjármagn frá kröfuhöfum og hvort CFC skýrslum hefði verið skilað vegna þeirra ýmist á Íslandi eða í Bretlandi þar sem hjónin hafa lögheimili. Þá var spurt hvaðan fjármagn félagsins væri. Engin svör bárust. Jóhannes Karl Sveinsson lögmaður.Vísir/Anton BrinkGögnin breyta litlu um uppgjör á búi GaumsErlendur Gíslason, skiptastjóri Baugs, hafði ekki kynnt sér efni fréttanna um aflandseignir hjónanna og vildi ekki tjá sig um fréttirnar á þessu stigi málsins.Jóhannes Karl Sveinsson, skiptastjóri Gaums, segist ekki hafa verið búinn að kynna sér aflandsfélagaeign hjónanna Ingibjargar og Jóns Ásgeirs þegar fréttastofa náði tali af honum. Hann sagði skiptum búsins lokið og fréttirnar breyttu litlu um framvindu Gaums.„Búið átti engar kröfur á þau persónulega og því lítið hægt að gera í því. Þrotabúið hefur verið tekið til skiptanna og litlar sem engar eignir í því þar sem stærstur hlutinn var eign í Baugi sem var verðlaus,“ segir Jóhannes Karl.Fréttin birtist fyrst í Fréttablaðinu 22. apríl Birtist í Fréttablaðinu Panama-skjölin Tengdar fréttir Ingibjörg og Jón Ásgeir í Panama-gögnunum Hafa stundað fjárfestingar í Evrópu og á Íslandi með fé frá félagi sem skráð er í Panama 21. apríl 2016 10:05 Mest lesið „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Algjör óvissa með Dragon Dim Sum Viðskipti innlent „Gátum ekki setið og beðið endalaust“ Neytendur Hægir á verðhækkunum matvöru Neytendur „Ég var pæja sem vildi ekki vera með ljótan gulan hatt á hausnum“ Atvinnulíf Merkum áfanga fagnað í verslun BYKO á Selfossi Samstarf Ingu Tinnu hjá Dineout gjörsamlega ofboðið Viðskipti innlent Vilja koma fleirum en Kynnisferðum inn í BSÍ Viðskipti innlent Landsbankinn telur skilmála sína nógu skýra Viðskipti innlent Hátt verð fæli ferðamanninn frá Íslandi Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira
Félag í eigu Ingibjargar Pálmadóttur, fjárfestis og eiganda 365 miðla sem gefur út Fréttablaðið, sem skráð er í Panama var notað til að greiða hluta skulda Fjárfestingafélagsins Gaums við slitabú Glitnis árið 2010. Gaumur er félag í eigu Jóns Ásgeirs Jóhannessonar, eiginmanns Ingibjargar. Alls fengust 2,4 milljarðar króna upp í 3,3 milljarða króna skuld félagsins við Glitni. Þetta kemur fram í umfjöllun Kjarnans sem unnin er úr Panamaskjölunum. Á fimmtudag birtu fjölmiðlarnir Kjarninn og Stundin ítarlega umfjöllun um fjármál þeirra hjóna Ingibjargar og Jóns Ásgeirs í samstarfi við miðilinn Reykjavík media. Panamaskjölin leiða í ljós að skuldir við slitabú Glitnis voru tvær. Félag hjónanna, 101 Chalet, hafði fengið tveggja og hálfs milljarða króna yfirdráttarlán til að festa kaup á skíðaskála í Frakklandi. Yfirdrátturinn var tekinn í júlí 2008 en þegar kom að skuldadögum, í nóvember 2008, gat félagið ekki greitt lánið til baka. Eftir hrun var félagið 101 Chalet fært yfir til Fjárfestingafélagsins Gaums. Þá skuldaði Gaumur slitabúi Glitnis 723 milljónir króna aukreitis.Jón Ásgeir Jóhannesson sagði í samtali við Stöð 2 árið 2009 að hann ætti engan fjársjóð á Tortóla eða einhvers staðar í suðurhöfum.vísir/vilhelmEins og áður segir kom félag Ingibjargar Pálmadóttur, Moon Capital S.A., að því að greiða þessa skuld upp að hluta. Samkvæmt samkomulagi við slitabú Glitnis var félagið Gaumur sjálfskuldarábyrgðaraðili, félagið 101 Chalet skuldari og félagið Piano Holding sjálfskuldarábyrgðaraðili. Skuldin var greidd með 200 milljón króna reiðufé og afhendingu skuldabréfa sem útgefin eru af Íbúðalánasjóði. Markaðsvirði þeirra var 2,2 milljarðar króna samkvæmt umfjöllun Kjarnans. Hjá Kjarnanum kemur fram að samkomulagið hafi falið í sér að slitabú Glitnis myndi þá telja lánin greidd. Með öðrum orðum voru 800 milljónir króna afskrifaðar. Jón Ásgeir átti 41 prósenta hlut í Gaumi ásamt systur sinni og foreldrum. Með samkomulaginu og skuldaniðurgreiðslunni gat hann haldið félaginu áfram en það var ekki gefið upp til gjaldþrotaskipta fyrr en síðla árs 2013. Gjaldþrotaskiptum lauk í mars á þessu ári. 14,8 milljónir fengust upp í kröfur búsins sem námu 38,7 milljörðum króna. Félag Ingibjargar var upphaflega stofnað í október 2007 af Landsbankanum í Lúxemborg í gegnum lögfræðistofuna Mossack Fonseca í Panama. Þá átti félagið að heita OneOOne Entertainment S.A. en þetta er öfugt við þau skúffufélög sem Panamaskjölin hafa opinberað hingað til sem hafa borið nöfn algjörlega ótengd eigendum þeirra sem virðast hafa verið valin handahófskennt. Félagið fékk svo nafnið Moon Capital S.A. árið 2010. Ingibjörg á annað félag með sama nafni sem skráð er í Lúxemborg en eignarhald 365 miðla er að stórum hluta í gegnum það félag. Þegar samkomulag Moon Capital S.A. við slitabú Glitnis var í höfn var nafni félagsins breytt á ný og heitir það nú Guru Invest S.A. Félagið hefur staðið í lánveitingum til félaga í Evrópu sem mörg hver eru tengd Jóni Ásgeiri Jóhannessyni. Þau félög hafa svo fjármagnað starfsemi hér á landi og í útlöndum. Fréttablaðið sendi ítarlega fyrirspurn til Ingibjargar og Jóns Ásgeirs í sitthvoru lagi. Meðal annars var spurt hvort félagið væri notað til að fela fjármagn frá kröfuhöfum og hvort CFC skýrslum hefði verið skilað vegna þeirra ýmist á Íslandi eða í Bretlandi þar sem hjónin hafa lögheimili. Þá var spurt hvaðan fjármagn félagsins væri. Engin svör bárust. Jóhannes Karl Sveinsson lögmaður.Vísir/Anton BrinkGögnin breyta litlu um uppgjör á búi GaumsErlendur Gíslason, skiptastjóri Baugs, hafði ekki kynnt sér efni fréttanna um aflandseignir hjónanna og vildi ekki tjá sig um fréttirnar á þessu stigi málsins.Jóhannes Karl Sveinsson, skiptastjóri Gaums, segist ekki hafa verið búinn að kynna sér aflandsfélagaeign hjónanna Ingibjargar og Jóns Ásgeirs þegar fréttastofa náði tali af honum. Hann sagði skiptum búsins lokið og fréttirnar breyttu litlu um framvindu Gaums.„Búið átti engar kröfur á þau persónulega og því lítið hægt að gera í því. Þrotabúið hefur verið tekið til skiptanna og litlar sem engar eignir í því þar sem stærstur hlutinn var eign í Baugi sem var verðlaus,“ segir Jóhannes Karl.Fréttin birtist fyrst í Fréttablaðinu 22. apríl
Birtist í Fréttablaðinu Panama-skjölin Tengdar fréttir Ingibjörg og Jón Ásgeir í Panama-gögnunum Hafa stundað fjárfestingar í Evrópu og á Íslandi með fé frá félagi sem skráð er í Panama 21. apríl 2016 10:05 Mest lesið „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Algjör óvissa með Dragon Dim Sum Viðskipti innlent „Gátum ekki setið og beðið endalaust“ Neytendur Hægir á verðhækkunum matvöru Neytendur „Ég var pæja sem vildi ekki vera með ljótan gulan hatt á hausnum“ Atvinnulíf Merkum áfanga fagnað í verslun BYKO á Selfossi Samstarf Ingu Tinnu hjá Dineout gjörsamlega ofboðið Viðskipti innlent Vilja koma fleirum en Kynnisferðum inn í BSÍ Viðskipti innlent Landsbankinn telur skilmála sína nógu skýra Viðskipti innlent Hátt verð fæli ferðamanninn frá Íslandi Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira
Ingibjörg og Jón Ásgeir í Panama-gögnunum Hafa stundað fjárfestingar í Evrópu og á Íslandi með fé frá félagi sem skráð er í Panama 21. apríl 2016 10:05