Fótbolti

Birkir skoraði tvö í stórsigri Basel

Anton Ingi Leifsson skrifar
Birkir skoraði tvö mörk í dag og gat leyft sér að fagna.
Birkir skoraði tvö mörk í dag og gat leyft sér að fagna. vísir/getty

Birkir Bjarnason skoraði tvö mörk Basel í stórsigri á FC Vaduz í svissnesku úrvalsdeildinni í knattspyrnu í dag, en 5-1 urðu lokatölur.

Mario Buehler kom Vaduz yfir á áttundu mínútu og gestirnir frá Vaduz leiddu í hálfleik. Í síðari hálfleik hrukku heimamenn hins vegar í gang og Michael Lang jafnaði á 51. mínútu.

Sex mínútum síðar skoraði Alexander Fransson annað mark Basel og á 66. mínútu skoraði Luca Zuffi þriðja mark Basel.

Birkir spilaði allan leikinn fyrir Basel, en hann skoraði tvö mörk á síðustu tuttugu mínútunum; eitt á 72. mínútu og annað á 87. mínútu. Lokatölur 5-1.

Basel er nú með fimmtán stiga forskot á Grasshopper á toppi deildarinnar. Vaduz er á botni deildarinnar með nítján stig, einu stigi frá Lugano sem er í níunda sætinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira