Innlent

Mikið um stúta á höfuðborgarsvæðinu

Samúel Karl Ólason skrifar
Vísir/Getty

Lögreglunni á höfuðborgarsvæðinu handtók í gær og í nótt þó nokkra ölvaða ökumenn og ökumenn sem voru undir áhrifum fíkniefna. Þá barst tilkynning um heimilisofbeldi í Grafarvogi þar sem maður á fimmtugsaldri hafði í hótunum við móður sína og var búinn að skemma húsgögn. Sá var handtekinn og fluttur á lögreglustöð.

Í austurbænum kom lögreglan að ökuðum manni á mjög tjónuðum bíl, sem hafði ekið á minnst þrjá kyrrstæða bíla. Maðurinn var handtekinn, samkvæmt dagbók lögreglunnar.

Þá var ekið á tvo ljósastóra við gatnamót Reykjanesbrautar og Vífilsstaðavegar og við óhappið valt bifreiðin. Ökumaðurinn var undir áhrifum áfengis og var fluttur á slysadeild til aðhlynningar. Þá þurfti að kalla út starfsmenn frá Orkuveitunni vegna ljósastauranna.

Lögreglan stöðvaði í gær bíl sem í voru þrjár einstaklingar og var fíkniefnalykt í bílnum. Við leit fundust ætluð fíkniefni en enginn vildi gangast við því að eiga þau. Því voru allir færðir á lögreglustöð.






Fleiri fréttir

Sjá meira