Körfubolti

Körfuboltakvöld: Fannar hefur rétt fyrir sér í fyrsta skiptið í þættinum

Kristinn Páll Teitsson skrifar

„Maciej fer inn og þeir dæma villu. Coleman kemur ekki við boltann en  hann slær í spjaldið. Þetta er klaufaskapur hjá Coleman,“ sagði Kjartan Atli Kjartansson, þáttastjórnandi Körfuboltakvölds, þegar þeir skoðuðu dómgæsluna á lokamínútum leiks Njarðvíkur og Stjörnunnar.

Þá voru Kristinn Geir Friðriksson og Kjartan Atli ekki sammála Fannari Ólafssyni í fyrstu hvort hefði mátt dæma skref á Al'lonzo Coleman í einum af lokasóknunum og Fannar skellti sér út á gólfið til þess að útskýra mál sitt.

Eftir að hafa litið nánar á málið tók Kjartan hinsvegar undir með Fannari að dómaratríóið hefði átt að dæma skref á Coleman.

„Þetta er rétt hjá Fannari, þetta eru þrjú skref. Þetta snýst um hvenær hann grípur boltann. Fannar hefur rétt fyrir sér í fyrsta skiptið í þættinum.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira