Enski boltinn

Flottustu og ljótustu búningar ensku úrvalsdeildarinnar að mati Daily Mail

Ingvi Þór Sæmundsson skrifar
Manchester-liðin, City og United, eiga ljótasta og flottasta búninginn.
Manchester-liðin, City og United, eiga ljótasta og flottasta búninginn. vísir/getty

Daily Mail hefur undanfarna tvo daga birt skemmtilega lista yfir flottustu og ljótustu búninga í sögu ensku úrvalsdeildarinnar.

Listinn yfir flottustu búninga birtist í gær en á toppi hans trónir aðalbúningur Manchester United á árunum 1992-94.

Newcastle United var með sterkt lið um miðbik 10. áratugs síðustu aldar og aðalbúningur liðsins frá 1995-97 er næstflottasti búningur í sögu úrvalsdeildarinnar samkvæmt Daily Mail. Þriðji er svo aðalbúningur Arsenal frá taplausa tímabilinu 2003-04.

Í dag birtist svo listinn yfir ljótustu búningana. Samkvæmt Daily Mail er varabúningur Manchester City frá árunum 1994-96 sá ljótasti.

Varabúningur Aston Villa frá 1993-95 er sá næstljótasti og þriðji búningur Liverpool frá 2013-14 sá þriðji ljótasti.

Listann yfir flottustu búningana má sjá með því að smella hér og listann yfir ljótustu búningana með því að smella hér.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira