Fótbolti

Verratti framlengir við PSG

Ingvi Þór Sæmundsson skrifar
Verratti og félagar verða í eldlínunni í Meistaradeildinni á morgun.
Verratti og félagar verða í eldlínunni í Meistaradeildinni á morgun. vísir/getty

Ítalski miðjumaðurinn Marco Verratti hefur framlengt samning sinn við Frakklandsmeistara Paris Saint-Germain um eitt ár. Nýi samningurinn gildir til ársins 2020.

Verratti hefur verið í herbúðum PSG frá 2012 en hann kom til franska liðsins frá uppeldisfélaginu Pescara á Ítalíu.

Verratti hefur verið afar sigursæll með PSG en hann hefur unnið franska meistaratitilinn þrisvar, frönsku bikarkeppnina einu sinni og franska deildabikarinn tvisvar.

Sjá einnig: PSG setur leikmann í bann fyrir að móðga Blanc

PSG á meistaratitilinn vísan í ár en liðið er með 24 stiga forskot á toppi frönsku 1. deildarinnar þegar 12 umferðum er ólokið. Yfirburðir Parísarliðsins eru ótrúlegir en liðið hefur unnið 22 af 26 deildarleikjum sínum í vetur og gert fjögur jafntefli.

PSG tekur á móti Chelsea í fyrri leik liðanna í 16-liða úrslitum Meistaradeildar Evrópu á morgun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira