Fótbolti

Sjáðu samning Real Madrid við James

Eiríkur Stefán Ásgeirsson skrifar
James Rodriguez skoraði fyrir Real Madrid um helgina.
James Rodriguez skoraði fyrir Real Madrid um helgina. Vísir/Getty

Vefsíðan Football Leaks heldur áfram að birta samninga heimsþekktra knattspyrnumanna á heimasíðu sinni. Í þetta sinn er það launasamningur Kólumbíumannsins James Rodriguez við Real Madrid.

Football Leaks berst fyrir því að svipta hulunni af félagaskiptum og samningamálum leikmanna og hefur birt fjölda skjala í þeim tilgangi.

Í dag birtust þrjú ný gögn á heimasíðunni og meðal þeirra er launsamningur Rodriguez, sem er samningsbundinn Real Madrid til 2020.

Þar kemur í ljós að Rodriguez fékk sjö milljónir evra (tæpan milljarð króna) í árslaun á fyrsta ári samningsins en svo 7,75 milljónir evra (1,1 milljarð króna) á hverju ári eftir það til samningsloka.

Samninginn má sjá hér sem og önnur gögn sem Football Leaks hafa birt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira