Enski boltinn

Arsenal líklegast til að verða meistari

Eiríkur Stefán Ásgeirsson skrifar
Arsenal varð síðast meistari árið 2004.
Arsenal varð síðast meistari árið 2004. Vísir/Getty

Samkvæmt ýmsum tölfræðingum sem gefa sig út fyrir að spá fyrir um áframhaldið í ensku úrvalsdeildinni verður Arsenal Englandsmeistari í vor.

Arsenal vann um helgina dramatískan 2-1 sigur á toppliði Leicester um helgina en fyrir vikið er forysta Leicester á toppnum tvö stig. Arsenal og Tottenham eru svo jöfn að stigum í næstu sætum á eftir.

Sjá einnig: Welbeck hetja Arsenal gegn Leicester í ótrúlegum leik

Um helgina verður spilað í bikarnum á Englandi og fá þau lið sem eru úr leik í þeirri keppni, svo sem Leicester, kærkomið frí. Önnur lið í toppbaráttunni eru bæði að keppa í bikarnum sem og í Evrópukeppnunum.

En það er ekki spurt að því í líkindareikningum sem Arsenal-stuðningsmaðurinn hér fyrir neðan tók saman á Twitter-síðu síðu sinni. Þar kemur fram að Arsenal er oftast spáð titlinum eða níu sinnum, Tottenham í þremur tilvikum og Leicester aðeins einu sinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira