Innlent

Yfir tíu manns yfirheyrðir vegna brunans á Ljósalandi

Sunna Kristín Hilmarsdóttir skrifar
Eldurinn kom upp í nýbyggingu hótelsins sem ekki hefur verið tekin í gagnið. Heimamenn á næsta bæ urðu eldsins varir þegar þeir komu heim af þorrablóti.
Eldurinn kom upp í nýbyggingu hótelsins sem ekki hefur verið tekin í gagnið. Heimamenn á næsta bæ urðu eldsins varir þegar þeir komu heim af þorrablóti. vísir

Rannsókn á brunanum á Hótel Ljósalandi í Saurbæ í Dalasýslu miðar vel, samkvæmt upplýsingum frá lögreglunni á Vesturlandi.

Yfir tíu manns hafa verið yfirheyrðir í tengslum við málið og þá hefur rannsóknarvinna verið á vettvangi. Þá var maður sem handtekinn var í gær grunaður um íkveikju úrskurðaður í gæsluvarðhald til 4. febrúar næstkomandi.

Lögreglan var kölluð til á hótelið klukkan fimm í gærmorgun vegna ölvaðs manns sem gekk berserksgang við hótelið. Hálftíma síðar var tilkynnt að kviknað væri í hótelinu og voru slökkvilið kölluð út.

Eldurinn kom upp í nýbyggingu hótelsins sem ekki hefur verið tekin í gagnið. Heimamenn á næsta bæ urðu eldsins varir þegar þeir komu heim af þorrablóti.

Tjónið vegna brunans er mikið og hluti hússins fallinn. Engir gestir voru í byggingunni þegar kviknaði í henni og enginn slasaðist.

Rannsókn málsins er í höndum rannsóknardeildar lögreglunnar á Vesturlandi.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira