Formúla 1

Renault sviptir hulunni af 2016 bílnum

Kristinn Ásgeir Gylfason skrifar
Renault RS16 bíllinn í æfingalitunum. Útlit bílsins mun þó breytast fyrir tímabilið.
Renault RS16 bíllinn í æfingalitunum. Útlit bílsins mun þó breytast fyrir tímabilið. Vísir/Renault

Renault afhjúðaði Formúlu 1 bíl sinn fyrir árið 2016, fyrst allra liða. Renault snýr aftur í ár sem rekstraraðili liðs með RS16 bílinn.

Renault rak síðast lið í Formúlu 1 árið 2010. Litir bílsins sem sýndur var í París í gær voru svartur og gulur. Litasamsetningin mun væntanlega breytast eftir að æfingar fyrir tímabilið klárast. Bíllinn mun því líta öðruvísi út í fyrstu keppninni í Ástralíu.

Kevin Magnussen og Jolyon Palmer munu vera keppnisökumenn liðsins. Ríkjandi meistari ökumanna í GP3 kappakstrinum, Esteban Ocon verður varaökumaður Renault.

Magnussen lýsti Renault samningnum sem „ótrúlegum“ enda virtist hann ekki eiga möguleika á að finna sér sæti hjá Formúlu 1 liði í ár.

„Þetta er ótrúlega góð tilfinning og hefur svo mikla þýðingu fyrir mig. Ég trúi varla að ég sé hluti af þessu. Þetta er ekki bara sæti í Formúlu 1 bíl heldur hjá samkeppnishæfu liði. Renault Sport mun berjast um heimsmeistaratitla í framtíðinni, það gæti þurft að byggja liðið upp en við erum hér til að vinna saman,“ sagði Magnussen.

Magnussen ók fyrir McLaren liðið árið 2014, þar sem hann náði á verðlaunapall í sinni fyrstu keppni í Formúlu 1. Koma Fernando Alonso til McLaren frá Ferrari fyrir tímabilið 2015 gerði það að verkum að Magnussen var gerður varaökumaður. Magnussen var svo sagt upp hjá McLaren undir lok tímabilsins og var því samningslaus og gat farið yfir til Renault.

Bob Bell, fyrrum liðsmaður Manor liðsins verður tæknistjóri Renault. Frederic Vasseur, yfirmaður ART liðsins í GP2 mótaröðinni verður keppnisstjóri Renault.

Kynningin í dag er lokaskref í yfirtöku Renault á Lotus liðinu sem var á hraðferð í greiðsluþrot.


Tengdar fréttir

Maldonado tapar sætinu í Formúlu 1

Pastor Maldonado hefur staðfest að hann muni ekki taka þátt í Formúlu 1 í ár. Hann hefur misst sæti sitt hjá Renault til danska ökumannsins, Kevin Magnussen.

Pirelli vill sátt um dekkjastefnu

Pirelli telur að fundur sem verður í næstu viku með ökumönnum og liðum í Formúlu 1 sé afbragðs tækifæri fyrir íþróttina að ná sátt um stefnu í dekkjamálum.

Magnussen tekur sæti Maldonado hjá Renault

Kevin Magnussen, fyrrum ökumaður McLaren liðsins í Formúlu 1 mun samkvæmt heimildum Autosport taka sæti Pastor Maldonado hjá Renault liðinu í Formúlu 1.

Berger: Alonso er ekki lengur bestur

Gerhard Berger, fyrrum Formúlu 1 ökumaður segir að síðasta tímabil hafi eitt og sér breytt ásýnd tveggja bestu ökumannanna í Formúlu 1.

Lok, lok og læs hjá Lotus

Lotus liðið kom að lokuðum dyrum á gestamóttöku sinni við Suzuka brautina í Japan. Búnaður liðsins kom einnig á eftir búnaði annarra liða. Japanski kappaksturinn fer fram um helgina.

Renault tekur yfir Lotus í næstu viku

Renault mun klára að taka yfir Lotus liðið í Formúlu 1 í næstu viku. Franski bílaframleiðandinn verður þá orðinn liðseigandi aftur í Formúlu 1.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira