Erlent

Fjórir handteknir grunaðir um hryðjuverkastarfsemi

sunna karen sigurþórsdóttir skrifar
Einn mannna frá Alsír handtekinn.
Einn mannna frá Alsír handtekinn. vísir/epa

Lögreglan í Þýskalandi hefur handtekið fjóra alsírska karlmenn sem grunaðir eru um að hafa verið að skipuleggja árás í Berlín í Þýskalandi. Þeir eru allir taldir tengjast hryðjuverkasamtökunum ISIS.

Mennirnir voru handteknir í Berlín á fimmtudagskvöld en þeir eru sagðir hafa komið til landsins undir því yfirskini að þeir væru flóttamenn frá Sýrlandi. Að minnsta kosti einn þeirra var á lista alsírskra yfirvalda yfir grunaða hryðjuverkamenn.

Rannsókn lögreglu á meintri hryðjuverkastarfsemi hófst í desember, en ekki hafa borist frekari upplýsingar um hvert skotmarkið var. Lögreglu grunar að mennirnir eigi sér vitorðsmenn í Belgíu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira