Handbolti

Veszprém skoraði 50 mörk í Austur-Evrópudeildinni

Ingvi Þór Sæmundsson skrifar
Aron skoraði tvö af 50 mörkum Veszprém í dag.
Aron skoraði tvö af 50 mörkum Veszprém í dag. vísir/epa

Aron Pálmarsson og félagar hans í ungverska meistaraliðinu Veszprém voru í miklum ham þegar þeir tóku á móti makedónska liðinu Zomimak Strumica í Austur-Evrópudeildinni í handbolta í dag.

Lokatölur urðu 50-16 sem þýðir að Veszprém skoraði nánast mark á mínútu. Skotnýting liðsins var einstaklega góð, eða 88%.

Aron skoraði tvö mörk og gaf þrjár stoðsendingar en sænski línumaðurinn Andreas Nilsson var markahæstur í liði Veszprém með 11 mörk. Mirko Alilovic varði 22 skot í markinu, eða 58% þeirra skota sem hann fékk á sig.

Veszprém er í efsta sæti Austur-Evrópudeildarinnar með 37 stig eftir 13 leiki. Vardar Skopje frá Makedóníu er einnig með 37 stig en hefur leikið tveimur leikjum meira en Veszprém.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira