Erlent

Fjórtán grunaðir um ætlaða árás á hælisleitendur

sunna karen sigurþórsdóttir skrifar
vísir/afp

Fjórtán einstaklingar voru handteknir í Svíþjóð í gærkvöldi grunaðir um að hafa verið að undirbúa árás á hælisleitendur. Fólkið var handtekið á áttunda tímanum í gærkvöldi eftir að fjöldi ábendinga hafði borist lögreglu um fyrirhugaða árás.

Talið er að hópurinn hafi verið á leið í miðstöð flóttamanna þegar hann var tekinn höndum, en í fórum fólksins fundust ýmis barefli, meðal annars járnrör.

Sænska ríkisútvarpið greinir frá því að rannsókn málsins sé í gangi og að fólkið verði yfirheyrt síðar í dag.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira