Erlent

Þrír Indverjar dæmdir til dauða vegna hópnauðgunar og morðs

Atli Ísleifsson skrifar
Einn sakborninga í málinu leiddur fyrir rétt.
Einn sakborninga í málinu leiddur fyrir rétt. Vísir/AFP

Dómstóll í Indlandi dæmdi í dag þrjá karlmenn til dauða vegna hópnauðgunar og morðs á ungri konu í Vestur-Bengal ríki árið 2013.

Þrír menn til viðbótar voru dæmdir í lífstíðarfangelsi vegna málsins.

Dómstóllinn, sem er í borginni Kalkútta, tilkynnti um refsingu yfir mönnunum í dag, en mennirnir voru fundnir sekir á fimmtudaginn.

Nauðgunin og morðið á konunni, sem var 21 árs gömul og á leið heim úr prófi í bænum Kamduni þegar ráðist á hana, hefur vakið hörð viðbrögð í Indlandi. Lík konunnar fannst alblóðugt á nálægum akri í Kamduni.

Í frétt SVT segir að fjölmenn mótmæli hafi verið haldin í landinu þar sem aukins öryggis kvenna í landinu er krafist.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira