Enski boltinn

Watford bætir við sig spænskum landsliðsmanni

Suárez í leik með Fiorentina fyrr í vetur.
Suárez í leik með Fiorentina fyrr í vetur. Vísir/getty

Watford staðfesti í kvöld að Mario Suárez hefði skrifað undir fjögurra ára samning hjá félaginu eftir að gengið hefði verið frá félagsskiptum hans frá Fiorentina.

Suárez sem á þrjá leiki að baki fyrir spænska landsliðið var lykilleikmaður þau fimm ár sem hann lék með Atletico Madrid en hann var hluti af liðinu sem varð óvænt meistari árið 2014.

Suárez stoppaði stutt hjá Fiorentina en hann gekk til liðs við ítalska félagið í sumar í skiptum við miðvörðinn Stefan Savic og lék því aðeins 13 leiki í fjólubláu treyjunni.

Hjá Watford hittir hann fyrir fyrrum knattspyrnustjóra sinn hjá Atletico Madrid, Quique Sanchez Flores, en hann stýrði Madrídar-liðinu áður en Diego Simeone tók við liðinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira