Handbolti

Heiðmar framlengir um tvö ár hjá Hannover-Burgdorf

Tómas Þór Þórðarson skrifar
Heiðmar Felixson.
Heiðmar Felixson. mynd/hannover-burgdorf

Heiðmar Felixson, fyrrverandi landsliðsmaður í handbolta, framlengdi í dag samning sinn við þýska 1. deildar félagið Hannover-Burgdorf til tveggja ára. Þetta kemur fram á heimasíðu félagsins.

Heiðmar hefur undanfarin misseri stýrt yngri flokka starfi Hannover-Burgdorf, en aðallið félagsins er sem stendur í níunda sæti 1. deildar þýska boltans.

„Ég er mjög ánægður með að Heiðmar verður áfram hjá okkur. Það er gott að vinna með honum því mikil virðing er á milli beggja aðila. Fyrst og fremst er hann mikil fyrirmynd,“ segir Jens Bürkle, þjálfari Hannover-Burgdorf.

„Við viljum halda áfram á sömu braut og við erum á. Við viljum hafa reynslumikla menn í liðinu okkar í bland við unga og efnilega. Starf Heiðmars á að sjá til að við fáum mikið af ungum leikmönnum upp,“ segir Benjamin Chatton, framkvæmdastjóri þýska félagins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira