Fótbolti

Tvö mörk og tvö rauð spjöld í Egilshöllinni

Anton Ingi Leifsson skrifar
Andrés Már var á skotskónum í dag.
Andrés Már var á skotskónum í dag. vísir/anton

Tvö mörk og tvö rauð spjöld litu dagsins ljós í 2-0 sigri Fylkis á Víkingi í Reykjavíkurmóti karla, A-riðli.

Andrés Már Jóhannesson, sem lék sinn fyrsta A-landsleik á dögunum, kom Fylki yfir, en á 38. mínútu fengu þeir Iain Williamson og Ásgeir Börkur Ásgeirsson báðir rautt spjald.

Staðan var 1-0 í hálfleik, en á fimmtu mínútu síðari hálfleiks bætti Jose Vergara, betur þekktur sem Sito, við marki og lokatölur 2-0.

Fylkir er á toppi A-riðils með sex stig eftir fjóra leiki, en Víkingur er í þriðja sæti með fjögur stig eftir þrjá leiki.

Úrslit og markaskorarar eru fengnir frá úrslit.net.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira