Körfubolti

Höllin bíður | Upphitunarmyndband Þórsara fyrir leikinn í kvöld

Óskar Ófeigur Jónsson skrifar
Græni drekinn lætur sig ekki vanta í kvöld.
Græni drekinn lætur sig ekki vanta í kvöld. Vísir/Ernir

Þorlákshafnar Þórsarar eiga möguleika á því að komast í bikarúrslitaleikinn í fyrsta sinn í kvöld þegar liðið tekur á móti Keflavík í Icelandic Glacial höllinni í Þorlákshöfn.

Keflvíkingar hafa unnið Þórsara í báðum leikjum liðanna í Domino´s deildinni og hafa ennfremur komist tíu sinnum í bikarúrslitin. Keflavíkurliðið tapaði hinsvegar síðasta leik sínum á heimavelli á móti nágrönnunum í Njarðvík og því má búast við grimmum Keflvíkingum í kvöld.

Þórsarar hafa einu sinni áður verið í þessari stöðu en þá þurftu þeir að spila á útivelli og töpuðu 93-84 í Grindavík árið 2014.

Sjá einnig: Komast Þórsarar í fyrsta sinn í Höllina?

Þórsarar vonast eftir góðum stuðningi í Icelandic Glacial höllinni í kvöld og hafa nú sett saman í myndband til að auglýsa leikinn og ýta undir stemmninguna fyrir kvöldið.   

Það er nóg að tilþrifaleikmönnum í liðunum og ekki eru þeir færri hjá heimamönnum sem hafa komið mjög mörgum á óvart með frábærri frammistöðu.

Þegar Nat-vélin, spin doktorinn, Dabbi Kóngur og einn besti Bandaríkjamaður deildarinnar eru saman í liði er alltaf von á flottum tilþrifum eins og sést í þessu myndbandi sem má finna hér fyrir neðan.

Hvort Þórsliðinu takist að verða átjánda félagið sem kemst í bikarúrslit karla verður að koma í ljós en leikurinn hefst klukkan 19.15 og verður í beinni textalýsingu hér inn á Vísi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira