Körfubolti

Aftur tapaði Valencia í Evrópukeppninni

Eiríkur Stefán Ásgeirsson skrifar
Jón Arnór Stefánsson í leik með íslenska landsliðinu.
Jón Arnór Stefánsson í leik með íslenska landsliðinu. Vísir/AFP

Þrátt fyrir að Valencia sé ósigrað á toppi spænsku úrvalsdeildarinnar tapaði liðið í kvöld öðru sinni á skömmum tíma fyrir franska liðinu Limoges í Eurocup-keppninni í kvöld, 82-67.

Limoges er eina liðið sem hefur tekist að leggja Jón Arnór Stefánsson og félaga að velli í allan vetur og í þetta sinn gerðu Frakkarnir það á Spáni.

Þýska liðið EWE Baskets er nú efst í I-riðli keppninnar með þrjá sigra í fjórum leikjum en Valencia og Limoges hafa unnið tvo hvort. Tvö lið fara áfram í 16-liða úrslitin en tvær umferðir eru eftir af riðlakeppninni.

Jón Arnór spilaði í tæpar þrettán mínútur í leiknum og skoraði þrjú stig og tók tvö fráköst.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira