Íslenski boltinn

Vemmelund kominn til Írlands

Eiríkur Stefán Ásgeirsson skrifar
Vemmelund varð Íslandsmeistari með Stjörnunni árið 2014.
Vemmelund varð Íslandsmeistari með Stjörnunni árið 2014. Vísir/Getty

Danski bakvörðurinn Niclas Vemmelund hefur ákveðið að semja við Derry City og mun því spila í írsku úrvalsdeildinni á næstu leiktíð.

Vemmelund sló í gegn sem hægri bakvörður Stjörnunnar sumarið 2014 þegar liðið fór í gegnum tímabilið í Pepsi-deild karla án þess að tapa og varð svo Íslandsmeistari.

Hann hélt svo til Svíþjóðar og spilaði síðast með Brommapojkarna sem féll úr sænsku B-deildinni í haust.

Vemmelund er 23 ára gamall og var orðaður við nokkur lið í Pepsi-deildinni í fyrra en ekkert varð af því að hann sneri aftur hingað til lands.

Derry City varð í sjöunda sæti írsku deildarinnar í fyrra en nýtt tímabil hefst í byrjun mars.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira