Bónorðið skriflegt Vera Einarsdóttir skrifar 15. janúar 2016 12:00 Bryndís kynntist unnustanum á Tinder. Hún var ekki á höttunum eftir unnusta og bjóst aldrei við að enda trúlofuð með tattú ári síðar. MYND/GVA Bryndís Eva Ásmundsdóttir hefur vakið athygli fyrir skopleg pistlaskrif. Hún bað unnusta síns, Sigurðar Eggertssonar, á fjallstoppi í Bogotá í fyrra. Trúlofunarhringarnir nást aldrei af. Bryndís játaði fyrir sjálfri sér og umheiminum ekki alls fyrir löngu að hana langaði til að starfa við skriftir. Skömmu síðar vann hún nafnlausa pistlahöfundakeppni hjá Kjarnanum og hafa pistlar hennar fengið góðar undirtektir. Bryndís stundar nám í menningarfræði við Háskóla Íslands. Hún er í sambúð með handboltamanninum Sigurði Eggertssyni, á fjögur börn úr ýmsum áttum og sex ketti. „Það er alltaf skrýtin lykt heima hjá mér,“ fullyrðir Bryndís. Hún sækir innblástur í pistlana í námið sem hún segir espa upp í sér alls kyns dellu og kryddar með sögum úr daglegu lífi og góðri kímnigáfu. Aðspurð segist Bryndís alls ekki hafa fengist lengi við skriftir. „Ég bloggaði á yngri árum þegar allir voru með blogg á blogcentral.com. Ég las þau skrif um daginn með vöðvakrampa af kjánahrolli. Ég hvet þó alla til að prófa að skrifa, ekki síst börn og unglinga. Það er heilandi og skemmtilegt. Í mínum huga er málið að taka sig ekki of alvarlega.“ En hvernig kom þá til að þú fórst að skrifa pistla? „Kjarninn auglýstu eftir pennum síðastliðið sumar. Örfáum dögum áður sat ég uppi á þaki í Medellín með vinkonu minn og játaði í fyrsta sinn upphátt að mig langaði til að starfa við skriftir. Svona er heimurinn. Þú orðar þér líf. Þegar ég sá auglýsinguna ákvað ég því að slá til og var fengin til starfa.“Bryndís og Sigurður hafa verið saman í á annað ár. þau eiga fjögur börn úr ýmsum áttum og sex ketti.Galdurinn að slaka á Bryndís er kennari að mennt og kenndi samfélagsfræði áður en hún hóf nám í menningarfræði. Hún segir námið veita sér innblástur við skrifin í bland við daglegt amstur. Einn pistillinn fjallar um áskoranir sem fylgja því að vera í samsettri fjölskyldu en hún og Sigurður hafa verið saman í á annað ár og eiga börn á aldrinum 5 til 14 ára. Í pistlinum lýsir hún á skoplegan hátt hvernig lá við hamförum í upphafi sambúðar, veltir upp hugtökunum við og okkar og tengir við umræðuna um flóttamenn. En hvernig gengur í dag? „Bara prýðilega flesta daga. Galdurinn er að slaka á og leyfa öllum að vera eins og þeir eru, vera sveigjanlegur og fagna því fremur en hitt þegar lífið tekur nýja stefnu. Svo eigum við reyndar svo ótrúleg börn að það er svindl.“Tattúveruð trúlofunararmbönd Bryndís og Sigurður kynntust í ævintýraveröld Tinder. „Ég var hreint ekki á höttunum eftir unnusta og það hvarflaði aldrei að mér að ég myndi ári síðar enda tattúveruð með þessum handboltatappa sem ég „matchaði“ í góðu glensi. Hann reyndist svo bara hinn mesti fengur, öllum að óvörum.“ Bryndís og Sigurður trúlofuðu sig á fjallstoppi í Bogotá í Kólumbíu síðasta sumar. „Ég bað hans. Skriflega að sjálfsögðu,“ segir Bryndís og fóru þau turtildúfurnar að því búnu niður af fjallinu og fengu sér tattúveruð trúlofunararmbönd á úlnliðina. „Þau nást aldrei af,“ segir Bryndís sposk.Trúlofunararmböndin nást aldrei af.Veik fyrir jólahúsum Í öðrum pistli játar Bryndís því að hafa verið í neyslu á hvers kyns veraldlegum óþarfa en hafi hin síðari misseri reynt að halda sig frá henni. Hvernig gengur? Áttu einhver ráð handa okkur hinum? „Flesta daga gengur ágætlega. Minn akkillesarhæll er þó jólaskraut, sér í lagi lítil jólahús. Ég þarf að lyfja mig niður áður en ég fer inn í Blómaval í desember og finnst ég aldrei eiga nógu mikið eða vandað jólaskraut. Siggi er ósammála. Lykillinn er kannski bara að hugsa málin í gegn og gefa sér sólarhring eða svo. Ef þig langar enn að kaupa þér átjánda jólahúsið daginn eftir skaltu gera það.“ Bryndís hefur líka varað við keppnisíþróttum sem vekur athygli í ljósi þess að unnustinn var um tíma atvinnumaður í handbolta. „Þessi pistill var að töluverðu leyti grín, en þó hreint ekki að öllu leyti. Siggi píndi mig til að birta hann sem espaði reiða karlmenn hvarvetna upp á móti mér (og kannski var það tilgangurinn). Mér þykir þó gott og gaman að atast í helgum þjóðernishjúpuðum hetuvéum og tókst það með sanni.“Er ekki uppistandari En hver er stefnan. Á að skrifa bók? „Ég er afar stefnulaus kona og vantreysti pínulítið fólki sem stefnir eitthvert. Ég reyni bara að segja já við sem flestu og taka alls kyns nýjum og skrítnum tækifærum fagnandi. Þó hefur aðeins borið á því í kjölfar pistlanna að menn haldi að ég sé uppistandari. Það er ég hreint ekki svo ég segi nei við því, blessunarlega fyrir alla.“ Litskrúðugt fjölskyldulíf. Mest lesið „Ég dreg mig í hlé og fer bara og stofna kaffihús“ Lífið Gefi raunsanna mynd af stefnumótahremmingum trans kvenna Bíó og sjónvarp Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Una Torfadóttir með sína útgáfu af Bubbalagi frá 1998 Lífið Magnús Árni selur sögufrægt hús með kastalaturni Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Potter-stjarna harmar hvernig fór með Rowling Bíó og sjónvarp Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira
Bryndís Eva Ásmundsdóttir hefur vakið athygli fyrir skopleg pistlaskrif. Hún bað unnusta síns, Sigurðar Eggertssonar, á fjallstoppi í Bogotá í fyrra. Trúlofunarhringarnir nást aldrei af. Bryndís játaði fyrir sjálfri sér og umheiminum ekki alls fyrir löngu að hana langaði til að starfa við skriftir. Skömmu síðar vann hún nafnlausa pistlahöfundakeppni hjá Kjarnanum og hafa pistlar hennar fengið góðar undirtektir. Bryndís stundar nám í menningarfræði við Háskóla Íslands. Hún er í sambúð með handboltamanninum Sigurði Eggertssyni, á fjögur börn úr ýmsum áttum og sex ketti. „Það er alltaf skrýtin lykt heima hjá mér,“ fullyrðir Bryndís. Hún sækir innblástur í pistlana í námið sem hún segir espa upp í sér alls kyns dellu og kryddar með sögum úr daglegu lífi og góðri kímnigáfu. Aðspurð segist Bryndís alls ekki hafa fengist lengi við skriftir. „Ég bloggaði á yngri árum þegar allir voru með blogg á blogcentral.com. Ég las þau skrif um daginn með vöðvakrampa af kjánahrolli. Ég hvet þó alla til að prófa að skrifa, ekki síst börn og unglinga. Það er heilandi og skemmtilegt. Í mínum huga er málið að taka sig ekki of alvarlega.“ En hvernig kom þá til að þú fórst að skrifa pistla? „Kjarninn auglýstu eftir pennum síðastliðið sumar. Örfáum dögum áður sat ég uppi á þaki í Medellín með vinkonu minn og játaði í fyrsta sinn upphátt að mig langaði til að starfa við skriftir. Svona er heimurinn. Þú orðar þér líf. Þegar ég sá auglýsinguna ákvað ég því að slá til og var fengin til starfa.“Bryndís og Sigurður hafa verið saman í á annað ár. þau eiga fjögur börn úr ýmsum áttum og sex ketti.Galdurinn að slaka á Bryndís er kennari að mennt og kenndi samfélagsfræði áður en hún hóf nám í menningarfræði. Hún segir námið veita sér innblástur við skrifin í bland við daglegt amstur. Einn pistillinn fjallar um áskoranir sem fylgja því að vera í samsettri fjölskyldu en hún og Sigurður hafa verið saman í á annað ár og eiga börn á aldrinum 5 til 14 ára. Í pistlinum lýsir hún á skoplegan hátt hvernig lá við hamförum í upphafi sambúðar, veltir upp hugtökunum við og okkar og tengir við umræðuna um flóttamenn. En hvernig gengur í dag? „Bara prýðilega flesta daga. Galdurinn er að slaka á og leyfa öllum að vera eins og þeir eru, vera sveigjanlegur og fagna því fremur en hitt þegar lífið tekur nýja stefnu. Svo eigum við reyndar svo ótrúleg börn að það er svindl.“Tattúveruð trúlofunararmbönd Bryndís og Sigurður kynntust í ævintýraveröld Tinder. „Ég var hreint ekki á höttunum eftir unnusta og það hvarflaði aldrei að mér að ég myndi ári síðar enda tattúveruð með þessum handboltatappa sem ég „matchaði“ í góðu glensi. Hann reyndist svo bara hinn mesti fengur, öllum að óvörum.“ Bryndís og Sigurður trúlofuðu sig á fjallstoppi í Bogotá í Kólumbíu síðasta sumar. „Ég bað hans. Skriflega að sjálfsögðu,“ segir Bryndís og fóru þau turtildúfurnar að því búnu niður af fjallinu og fengu sér tattúveruð trúlofunararmbönd á úlnliðina. „Þau nást aldrei af,“ segir Bryndís sposk.Trúlofunararmböndin nást aldrei af.Veik fyrir jólahúsum Í öðrum pistli játar Bryndís því að hafa verið í neyslu á hvers kyns veraldlegum óþarfa en hafi hin síðari misseri reynt að halda sig frá henni. Hvernig gengur? Áttu einhver ráð handa okkur hinum? „Flesta daga gengur ágætlega. Minn akkillesarhæll er þó jólaskraut, sér í lagi lítil jólahús. Ég þarf að lyfja mig niður áður en ég fer inn í Blómaval í desember og finnst ég aldrei eiga nógu mikið eða vandað jólaskraut. Siggi er ósammála. Lykillinn er kannski bara að hugsa málin í gegn og gefa sér sólarhring eða svo. Ef þig langar enn að kaupa þér átjánda jólahúsið daginn eftir skaltu gera það.“ Bryndís hefur líka varað við keppnisíþróttum sem vekur athygli í ljósi þess að unnustinn var um tíma atvinnumaður í handbolta. „Þessi pistill var að töluverðu leyti grín, en þó hreint ekki að öllu leyti. Siggi píndi mig til að birta hann sem espaði reiða karlmenn hvarvetna upp á móti mér (og kannski var það tilgangurinn). Mér þykir þó gott og gaman að atast í helgum þjóðernishjúpuðum hetuvéum og tókst það með sanni.“Er ekki uppistandari En hver er stefnan. Á að skrifa bók? „Ég er afar stefnulaus kona og vantreysti pínulítið fólki sem stefnir eitthvert. Ég reyni bara að segja já við sem flestu og taka alls kyns nýjum og skrítnum tækifærum fagnandi. Þó hefur aðeins borið á því í kjölfar pistlanna að menn haldi að ég sé uppistandari. Það er ég hreint ekki svo ég segi nei við því, blessunarlega fyrir alla.“ Litskrúðugt fjölskyldulíf.
Mest lesið „Ég dreg mig í hlé og fer bara og stofna kaffihús“ Lífið Gefi raunsanna mynd af stefnumótahremmingum trans kvenna Bíó og sjónvarp Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Una Torfadóttir með sína útgáfu af Bubbalagi frá 1998 Lífið Magnús Árni selur sögufrægt hús með kastalaturni Lífið „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Potter-stjarna harmar hvernig fór með Rowling Bíó og sjónvarp Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira