Handbolti

Fótboltastrákarnir senda handboltastrákunum kveðju

Tómas Þór Þórðarson skrifar

Aron Einar Gunnarsson, landsliðsfyrirliði karla í fótbolta, sendir handboltastrákunum okkar kveðju frá fótboltalandsliðinu sem sjá má hér að ofan.

Handboltalandsliðið mætir Noregi í fyrsta leik á EM klukkan 17.15 í dag en leikurinn verður í beinni textalýsingu á Vísi.

Aron Einar á auðvitað bróður í liðinu, hornamanninn Arnþór Þór Gunnarsson sem spilar með Bergischer í Þýskalandi.

„Jæja, það er kominn janúar. Það þýðir bara eitt; lokamót í handbolta. EM. Auðvitað eigum við, Íslendinga, þar flott landslið eins og vanalega,“ segir Aron Einar.

„Þeir eru ekki kallaðir strákarnir okkar fyrir ekki neitt. Við í karlalandsliðinu í fótbolta sendum á þá kveðju og óskum þeim góðs gengis. Við vitum að Íslendingar eiga eftir að vera stoltir af ykkur. Gangi ykkur vel,“ segir Aron Einar Gunnarsson.

Kveðjuna í heild sinni má sjá hér að ofan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira