Handbolti

Arnór Þór: "Yfirspiluðu okkur“

Stefán Árni Pálsson skrifar
Arnór Þór Gunnarsson var góður í horninu í dag.
Arnór Þór Gunnarsson var góður í horninu í dag. Vísir/Valli

„Mér líður ömurlega og það var leiðinlegt að klúðra síðasta skotinu hjá mér,“ segir Arnór Þór Gunnarsson í samtali við Henry Birgi Gunnarsson, íþróttafréttamann 365, eftir tapið gegn Hvít-Rússum á Evrópumótinu í handknattleik í dag en leikurinn fór 39-38.

„Við spiluðum ekki vörn í leiknum. Við erum að fá okkur 39 mörk í leiknum og þá er erfitt að fá eitthvað út úr leiknum.“

Arnóri fannst Björgvin Páll fínn í markinu í dag en liðið ekki að spila nægilega góða vörn fyrir framan h hann.

„Við töluðum um það fyrir leikinn að þetta yrði allt öðruvísi handbolti sem við værum að fara spila í dag en á föstudaginn. Hvítu-Rússarnir eru mun klókari en Norðmenn og bara yfirspiluðu okkur í dag,“ segir Arnór sem bendir samt sem áður á að sóknarleikurinn hafi verið góður hjá liðinu í dag.

„Að skora allan þennan fjölda af mörkum á að vera nóg til að vinna handboltaleik.“

Ekki missa af neinu sem gerist á EM. Fylgdu Vísi á TwitterFacebook og Snapchat (notendanafn: sport365).



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira