Enski boltinn

Meiðslin ekki alvarleg hjá Costa

Eiríkur Stefán Ásgeirsson skrifar
Vísir/Getty

Diego Costa er ekki að glíma við alvarleg meiðsli en hann þurfti að fara af velli er Chelsea gerði 3-3 jafntefli við Everton á Stamford Bridge á laugardaginn.

Costa haltraði af velli á 80. mínútu eftir samstuð við Leighton Baines, bakvörð Everton. Hann hafði skorað fyrsta mark Chelsea sem lenti 2-0 undir en John Terry bjargaði svo stigi fyrir þá bláu seint í uppbótartíma.

Í fyrstu var óttast að Costa hefði fótbrotnað og var hann fluttur upp á sjúkrahús. Þar kom hins vegar í ljós að hann væri aðeins marinn en enn er óvíst hvort hann nái leiknum gegn Arsenal á sunnudag.

Guus Hiddink, stjóri Chelsea, sagði eftir leik að hann gerði ekki ráð fyrir því að Chelsea myndi kaupa framherja nú í janúar og vonaðist til þess að endurheimta Costa sem fyrst.

NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira