Körfubolti

Hlynur stigahæstur í stórsigri Drekanna

Tómas Þór Þórðarson skrifar
Hlynur Bæringsson var flottur í kvöld.
Hlynur Bæringsson var flottur í kvöld. vísir/vilhelm

Hlynur Bæringsson, landsliðsfyrirliði í körfubolta, og félagar hans í liði Sundsvall Dragons unnu stórsigur á útivelli gegn Malbas, 85-60, í sænsku úrvalsdeildinni í kvöld.

Drekarnir voru tíu stigum yfir í hálfleik, 46-36, og juku jafnt og þétt við forskot sitt í seinni hálfleik. Þeir gengu endanlega frá leiknum í fjórða leikluta sem þeir unnu, 20-6.

Hlynur átti stórleik og var stigahæstur sinna manna með 21 stig auk þess sem hann tók tíu fráköst og gaf þrjár stoðsendingar.

Með sigrinum komst Sundsvall upp að hlið Jakobs Sigurðarsonar og félaga í Borås en bæði lið eru með 24 stig eftir 19 leiki.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira