Enski boltinn

Vardy fer í aðgerð

Eiríkur Stefán Ásgeirsson skrifar
Vísir/Getty

Jamie Vardy verður frá næstu tvær vikurnar vegna minniháttar aðgerðar sem hann þarf að gangast undir vegna meiðsla í nára.

Vardy hefur verið magnaður í liði Leicester í vetur og skorað fimmtán deildarmörk fyrir liðið sem situr nú í öðru sæti deildarinnar.

Liðið hefur hins vegar ekki skorað í síðustu þremur leikjum sínum en Vardy spilaði allan leikinn í markalausu jafntefli gegn Bournemouth um helgina.

Leicester leikur næst gegn Tottenham í ensku bikarkeppninni um helgina en á svo leik gegn Tottenham nokkrum dögum síðar. Tottenham er í fjórða sæti deildarinnar, fjórum stigum á eftir Leicester og sex á eftir toppliði Arsenal.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira