Handbolti

Fyrrum þjálfari Arons tekur við Kolding

Henry Birgir Gunnarsson skrifar
Ortega er hann stýrði Veszprém.
Ortega er hann stýrði Veszprém. vísir/afp

Danska meistaraliðið KIF Kolding fær nýjan þjálfara þegar EM í Póllandi verður yfirstaðið.

Kolding er búið að semja við spænska þjálfarann Antonio Carlos Ortega og tekur hann við liðinu þann 1. febrúar næstkomandi.

Ortega var síðast þjálfari hjá ungverska liðinu Veszprém, sem Aron Pálmarsson leikur með, en var óvænt rekinn þaðan eftir að liðið gerði jafntefli í fyrsta leik sínum í Meistaradeildinni.

Forráðamenn ungverska liðsins voru greinilega ekki búnir að hugsa það mál til enda þar sem aðstoðarmaður Ortega er enn að þjálfa liðið.

Kolding ætlar sér stóra hluti á næstu árum og samdi við Ortega fram á sumarið 2019.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira