Fótbolti

Ólafur í greiningarteymi landsliðsins á EM

Eiríkur Stefán Ásgeirsson skrifar
Ólafur Kristjánsson.
Ólafur Kristjánsson. Vísir

Ólafur Kristjánsson mun gegna stöðu eins leikgreinanda íslenska landsliðsins á Evrópumeistaramótinu í Frakklandi næsta sumar en það kom fram á blaðamannafundi KSÍ í dag.

Ólafur var þjálfari Nordsjælland í Danmörku þar til að félagið skipti um eigendur á dögunum en þeir ákváðu að skipta um þjálfara. Ólafur þjálfaði áður Breiðablik með góðum árangri.

Sjá einnig: Ólafur: Þurfti að tjasla andlitinu aftur saman

Roland Andersson, sem hefur starfað lengi við leikgreiningu með Lars Lagerbäck, mun einnig greina andstæðing Íslands á EM í sumar, sem og Arnar Bill Gunnarsson, fræðslustjóri KSÍ.

Þjálfararnir eru þrír - Lars, Heimir Hallgrímsson og Guðmundur Hreiðarsson en alls verða svo fjórtán starfsmenn KSÍ í fylgd með liðinu - þar af fimm sem tilheyra læknaliði íslenska liðsins.

Meðal starfsmanna KSÍ verða Þorgrímur Þráinsson, sem var titlaður sem „Sálfræðingur“ á blaðamannafundi KSÍ í dag, Víðir Reynisson, öryggisfulltrúi, og Einsi Kaldi, kokkur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira