Enski boltinn

Jenas leggur skóna á hilluna

Henry Birgir Gunnarsson skrifar
Jenas fagnar í leik með Newcastle.
Jenas fagnar í leik með Newcastle. vísir/getty

Fyrrum landsliðsmaður Englands, Jermaine Jenas, hefur lagt skóna á hilluna. Meiðsli neyddu hann til þess að hætta.

Jenas er aðeins 32 ára gamall en hefur verið óheppinn með meiðsli á sínum ferli. Hann spilaði síðast fyrir QPR í apríl árið 2014. Hann meiddist á hné skömmu síðar og náði sér aldrei aftur á strik.

Hann naði að spila yfir 400 leiki á sínum ferli sem hófst árið 2000 hjá Nott. Forest. Þaðan fór hann ti Newcastle og lék með þeim í þrjú ár.

Þaðan lá leiðin til Tottenham og var hann á mála hjá félaginu til 2013. Hann var lánaður til Aston Villa árið 2011 og Nott. Forest leiktíðina 2012-13. Hann endaði svo ferilinn hjá QPR eins og áður segir.

Hann spilaði 21 landsleik fyrir England á árinum 2003-09 og skoraði eitt landsliðsmark.



Fleiri fréttir

Sjá meira