Fótbolti

Perrin farinn frá Kína

Henry Birgir Gunnarsson skrifar
Perrin er hér að stýra landsleik hjá Kína. Hann er vinstra megin á myndinni.
Perrin er hér að stýra landsleik hjá Kína. Hann er vinstra megin á myndinni. vísir/getty

Kínverjar eru í leit að nýjum landsliðsþjálfara eftir að hafa rekið Frakkann Alain Perrin úr starfi.

Perrin tók við Kínverjum í febrúar árið 2014 og fór með liðið í átta liða úrslit í Asíubikarnum í fyrra.

Ekki hefur aftur á móti gengið eins vel í undankeppni HM og vonir stóðu til. Kínverjar eru í þriðja sæti síns riðils þegar tveir leikir eru eftir.

Kínverjar eiga enn smá möguleika á því að komast á HM sem eitt af bestu liðunum í öðru sæti síns riðils.

Perrin var stjóri Portsmouth árið 2005 en hefur síðan komið víða við. Meðal annars sem þjálfari Ólympíuliðs Katar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira