Handbolti

Rut skoraði tvö í jafntefli í Frakklandi

Anton Ingi Leifsson skrifar
Rut í leik með íslenska landsliðinu.
Rut í leik með íslenska landsliðinu. vísir/

Rut Jónsdóttir skoraði tvö mörk þegar Randers gerði jafntefli, 27-27, við franska liðið HBC Nimes í 16-liða úrslitum Áskorendabikar Evrópu í handknattleik, en fyrri leikur liðanna fór fram í Frakklandi í dag.

Staðan í hálfleik var 13-13 og viðureignin var jöfn og spennandi út allan leikinn. Lokatölur, eins og áður segir, 27-27.

Rut gerði tvö mörk, en þær Linn Gosse, Clara Danielsson og Johanna Westberg gerðu allar fimm mörk fyrir danska liðið. Chloe Bulleux gerði tíu mörk fyrir heimastúlkur.

Liðin mætast aftur eftir viku og þá i Danmörku. Það lið sem hefur betur í þeirri viðureign fer áfram í átta liða úrslit keppninnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira