Viðskipti innlent

Vilja að haldið sé betur utan um 61 milljarðs króna kostnað

Óli Kristján Ármannsson skrifar
Ríkisendurskoðun segir mikinn misbrest á að ráðuneyti og stofnanir fari eftir leiðbeiningum um hvernig standa skuli að undirbúningi, gerð og eftirliti með samningum.
Ríkisendurskoðun segir mikinn misbrest á að ráðuneyti og stofnanir fari eftir leiðbeiningum um hvernig standa skuli að undirbúningi, gerð og eftirliti með samningum. Fréttablaðið/Pjetur

Áætlaður kostnaður ríkisins vegna tæplega 500 virkra langtímasamninga við aðila utan ríkisins á síðasta ári nemur 61 milljarði króna, að því er fram kemur í nýju áliti Ríkisendurskoðunar. Er þá horft til samninga til lengri tíma en eins árs og þar sem greiðslur nemar þremur milljónum króna eða meira á ári hverju.

Fram kemur í álitinu að Ríkisendurskoðun telji að bæta þurfi skráningu og utanumhald samninga sem ráðuneyti og stofnanir gera við aðila utan ríkisins. Yfirlit um slíka samninga sem birt sé í fjárlagafrumvarpi ár hvert sé ófullkomið.

Þá þurfi að samræma betur upplýsingar milli ráðuneyta og tryggja að yfirlit sé tæmandi auk þess sem endurskoða þurfi reglurnar sem um samningana gilda og efla eftirlit með framkvæmd þeirra.

Af þeim samningum sem undir eru tilheyrði 161 velferðarráðuneyti, 127 mennta- og menningarmálaráðuneyti, 52 utanríkisráðuneyti og 40 atvinnuvega- og nýsköpunarráðuneyti. „Samningar annarra ráðuneyta voru á bilinu 16 til 34,“ segir í umfjöllun Ríkisendurskoðunar.

Bent er á að af þessum 500 samningum hafi 36 verið útrunnir árið 2014 en engu að síður hafi verið starfað samkvæmt þeim. „Áætlaður kostnaður þeirra nam um 5,5 milljörðum króna.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SKEL
9,06
13
431.930
N1
1,2
2
94.875
REITIR
1,19
4
89.145
VIS
0,9
4
46.385
SIMINN
0,71
2
42.300

Mesta lækkun dagsins


Félag
Br.%
Fjöldi
Velta*
HAGA
-0,22
1
93
Velkomin á Vísi. Þessi vefur notar vafrakökur. Sjá nánar.