Útheimtir mikinn styrk Vera Einarsdóttir skrifar 14. október 2015 10:45 Elín Björg kynntist Lyru í sirkus í Ástralíu. MYNDIR/STEFÁN Elín Björg Björnsdóttir byrjaði að kenna lyru í polefitness-stöðinni Eríal Pole fyrir tæpu ári en lyru-námskeið höfðu ekki staðið almenningi til boða fram að því. Lyra eða aerial hoop er einn angi af loftfimleikum og gera iðkendur hinar ýmsu kúnstir í stórum hringjum í loftinu. Elín kemur úr mikilli íþróttafjölskyldu og var að miklu leyti alin upp á fjöllum. Hún stundaði íshokkí lengi vel en hlaut á endanum álagsmeiðsl. „Hnén gáfu sig og ég þurfti að finna mér eitthvað nýtt að gera. Ég hef aldrei verið mikið fyrir þetta hefðbundna og endaði á því að prófa súlufimi eða polefitness í Eríal Pole. Ég hafði áður verið í klifri og það reyndist góður undirbúningur enda snýst súlufimin að miklu leyti um að vinna með eigin styrk,“ segir Elín sem heillaðist algerlega af sportinu. „Ég hef alltaf verið svo mikill gaur en fann mína kvenlegu hlið,“ útskýrir Elín.Að sögn Elínar sækja bæði konur og karlar tímana og eru iðkendur af öllum stærðum og gerðum.Hún flutti til Ástralíu árið 2013 og fór fljótlega að leita að polefitness-stöð en fann enga sem henni líkaði. „Fyrir algera tilviljun rambaði ég inn í sirkus og varð alveg dolfallin. Ég datt beint inn í loftfimleikahópinn og þar nýttist bakgrunnurinn í súlufiminni vel. Þegar ég flutti heim fyrir tæpu ári var búið að koma upp hringjum í Eríal Pole en það vantaði kennara. Ég sló til og byrjaði að kenna viku eftir heimkomuna,“ upplýsir Elín sem er með alþjóðleg þjálfararéttindi frá elevatED sem sérhæfir sig í pole-, aerial- og flexþjálfun. Elín hefur sömuleiðis lokið fjölda björgunar-, skyndihjálpar- og fjallanámskeiða. „Ég stunda jafnframt nám í líftæknifræði og hef lagt áherslu á lífeðlisfræði og anatómíu. Ég þekki því virkni líkamans ansi vel og legg upp úr því að vinna með hverjum iðkanda fyrir sig enda hafa þeir mismunandi reynslu og bakgrunn.“"Ég kenni ýmis trix og aðferðir til að tengja þau saman en hugmyndin er að úr verði eins konar dans eða flæði."En hvernig byggir þú tímana upp? „Við byrjum alla tíma á að hita vel upp og förum svo í styrktaræfingar á gólfi eða í hringjunum. Við þær tvinnum við svo ýmsar tækniæfingar. Þegar líður á tímann gerum við svo ýmis trikk í hringjunum. Stundum kenni ég ný og stundum fer ég í aðferðir til að tengja þau saman en hugmyndin er að úr verði eins konar dans eða flæði. Í lokin gerum við svo alltaf góðar teygjur,“ útskýrir Elín. Aðspurð segir Elín bæði konur og karla sækja tímana og að iðkendur séu af öllum stærðum og gerðum. „Til mín koma til dæmis strákar sem hafa slasast í einhverjum látum í crossfit og þurfa að vinna upp axlarmeiðsl eða annað í þeim dúr. Þá hentar lyra vel enda aðeins unnið með eigin þyngd og kraft. Eins koma til mín stelpur sem hafa glímt við bakmeiðsli en hafa fengið grænt ljós á að fara að hreyfa sig. Þá getur lyran komið að gagni enda eru æfingarnar styrkjandi fyrir bakið. Iðkendur rétta sömuleiðis úr sér, öðlast liðleika, styrk og fallegar línur.“Er ekki líka ákveðin frelsistilfinning fólgin í því að hanga svona í loftinu? „Jú algerlega og svo ýtir þetta undir sköpunarkraft hvers og eins enda erum við með hreyfingunum að túlka ólík lög. Það er gaman að sjá iðkendur blómstra í því og margir kynnast hliðum sem þeir vissu ekki að þeir ættu til.“ Elín hefur þegar staðið fyrir nokkrum nemendasýningum. „Ég upplifi mig eins og ungamömmu og stend stolt á hliðarlínunni enda eitthvað sem ég hef byggt upp frá grunni. Erlendis er líka keppt í greininni en hér eru flestir að þessu til gamans,“ segir Elín og bendir á að hún taki að sér sýningar á hinum ýmsu viðburðum og skemmtunum. „Áhugasamir geta sent mér póst á thisiselin@gmail.com.“ Mest lesið „Kveiktum næstum í öllu sumarbústaðalandinu“ Lífið Gefi raunsanna mynd af stefnumótahremmingum trans kvenna Bíó og sjónvarp Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Ég dreg mig í hlé og fer bara og stofna kaffihús“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Sagan á bak við djarft listaverk Ásdísar Ránar Lífið Una Torfadóttir með sína útgáfu af Bubbalagi frá 1998 Lífið Engir palestínskir fánar í Eurovision-höllinni Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira
Elín Björg Björnsdóttir byrjaði að kenna lyru í polefitness-stöðinni Eríal Pole fyrir tæpu ári en lyru-námskeið höfðu ekki staðið almenningi til boða fram að því. Lyra eða aerial hoop er einn angi af loftfimleikum og gera iðkendur hinar ýmsu kúnstir í stórum hringjum í loftinu. Elín kemur úr mikilli íþróttafjölskyldu og var að miklu leyti alin upp á fjöllum. Hún stundaði íshokkí lengi vel en hlaut á endanum álagsmeiðsl. „Hnén gáfu sig og ég þurfti að finna mér eitthvað nýtt að gera. Ég hef aldrei verið mikið fyrir þetta hefðbundna og endaði á því að prófa súlufimi eða polefitness í Eríal Pole. Ég hafði áður verið í klifri og það reyndist góður undirbúningur enda snýst súlufimin að miklu leyti um að vinna með eigin styrk,“ segir Elín sem heillaðist algerlega af sportinu. „Ég hef alltaf verið svo mikill gaur en fann mína kvenlegu hlið,“ útskýrir Elín.Að sögn Elínar sækja bæði konur og karlar tímana og eru iðkendur af öllum stærðum og gerðum.Hún flutti til Ástralíu árið 2013 og fór fljótlega að leita að polefitness-stöð en fann enga sem henni líkaði. „Fyrir algera tilviljun rambaði ég inn í sirkus og varð alveg dolfallin. Ég datt beint inn í loftfimleikahópinn og þar nýttist bakgrunnurinn í súlufiminni vel. Þegar ég flutti heim fyrir tæpu ári var búið að koma upp hringjum í Eríal Pole en það vantaði kennara. Ég sló til og byrjaði að kenna viku eftir heimkomuna,“ upplýsir Elín sem er með alþjóðleg þjálfararéttindi frá elevatED sem sérhæfir sig í pole-, aerial- og flexþjálfun. Elín hefur sömuleiðis lokið fjölda björgunar-, skyndihjálpar- og fjallanámskeiða. „Ég stunda jafnframt nám í líftæknifræði og hef lagt áherslu á lífeðlisfræði og anatómíu. Ég þekki því virkni líkamans ansi vel og legg upp úr því að vinna með hverjum iðkanda fyrir sig enda hafa þeir mismunandi reynslu og bakgrunn.“"Ég kenni ýmis trix og aðferðir til að tengja þau saman en hugmyndin er að úr verði eins konar dans eða flæði."En hvernig byggir þú tímana upp? „Við byrjum alla tíma á að hita vel upp og förum svo í styrktaræfingar á gólfi eða í hringjunum. Við þær tvinnum við svo ýmsar tækniæfingar. Þegar líður á tímann gerum við svo ýmis trikk í hringjunum. Stundum kenni ég ný og stundum fer ég í aðferðir til að tengja þau saman en hugmyndin er að úr verði eins konar dans eða flæði. Í lokin gerum við svo alltaf góðar teygjur,“ útskýrir Elín. Aðspurð segir Elín bæði konur og karla sækja tímana og að iðkendur séu af öllum stærðum og gerðum. „Til mín koma til dæmis strákar sem hafa slasast í einhverjum látum í crossfit og þurfa að vinna upp axlarmeiðsl eða annað í þeim dúr. Þá hentar lyra vel enda aðeins unnið með eigin þyngd og kraft. Eins koma til mín stelpur sem hafa glímt við bakmeiðsli en hafa fengið grænt ljós á að fara að hreyfa sig. Þá getur lyran komið að gagni enda eru æfingarnar styrkjandi fyrir bakið. Iðkendur rétta sömuleiðis úr sér, öðlast liðleika, styrk og fallegar línur.“Er ekki líka ákveðin frelsistilfinning fólgin í því að hanga svona í loftinu? „Jú algerlega og svo ýtir þetta undir sköpunarkraft hvers og eins enda erum við með hreyfingunum að túlka ólík lög. Það er gaman að sjá iðkendur blómstra í því og margir kynnast hliðum sem þeir vissu ekki að þeir ættu til.“ Elín hefur þegar staðið fyrir nokkrum nemendasýningum. „Ég upplifi mig eins og ungamömmu og stend stolt á hliðarlínunni enda eitthvað sem ég hef byggt upp frá grunni. Erlendis er líka keppt í greininni en hér eru flestir að þessu til gamans,“ segir Elín og bendir á að hún taki að sér sýningar á hinum ýmsu viðburðum og skemmtunum. „Áhugasamir geta sent mér póst á thisiselin@gmail.com.“
Mest lesið „Kveiktum næstum í öllu sumarbústaðalandinu“ Lífið Gefi raunsanna mynd af stefnumótahremmingum trans kvenna Bíó og sjónvarp Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið „Ég dreg mig í hlé og fer bara og stofna kaffihús“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Sagan á bak við djarft listaverk Ásdísar Ránar Lífið Una Torfadóttir með sína útgáfu af Bubbalagi frá 1998 Lífið Engir palestínskir fánar í Eurovision-höllinni Lífið Fleiri fréttir Fjórar dýrindis diskósúpur úr hráefnum sem annars hefði verið hent Kynfræðingur selur slotið á landsbyggðinni Sérfræðingar rýna í Bakgarðshlaupið: „Endamarkið er í hausnum á þér“ „Ég dreg mig í hlé og fer bara og stofna kaffihús“ Grænmetisæta í 38 ár en ekki lengur Una Torfadóttir með sína útgáfu af Bubbalagi frá 1998 Hyggjast renna fimmtíu íslenskum lögum inn í karaokívélarnar Magnús Árni selur sögufrægt hús með kastalaturni „Veit ekkert hvernig þessi ferð endar, en ég er samt mjög ánægð með að hafa lagt af stað“ Ekki með mönnum á hennar aldri því „þeir eru allir látnir“ Minningar um líf sem er að hverfa Lolla í Litlu hryllingsbúðinni:„Þetta er auðvitað geggjað hlutverk“ Jón Daði og María Ósk eignuðust dreng Tíu ár og aukin meðvitund í bransanum Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri Nemendur Flóaskóla slá í gegn með Langspilin sín „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Sjá meira