Innlent

Fleiri leðurblökur til Íslands

Linda Blöndal skrifar

Fjörtíu tilfelli eru skráð um að leðurblaka hafi fundist hér en ástæður fjölgunarinnar er ekki ljós.

Í nýlegri grein í alþjóðlegu fagtímariti sem nefnist Acta Chiropterologia, skrifa Ævar Petersen, fuglafræðingur og Finnur Ingimarsson náttúrufræðingur yfirlitsgrein um fund leðurblaka við við ísland, Færeyjar, Orkneyjar og Shetlandseyjar með loftslagsbreytingar í huga.

Hér finnast dýrin helst á suðvesturlandi, einkum í Reykjavík og koma þá hingað með vöruflutningaskipum. Þær eru þó ekki stórar sem hingað koma og sú algengasta er trítilblakan sem er rétt um 3 cm á lengd.

Það er talin sennilegasta tegundin sem fannst ekki svo alls fyrir löngu og má sjá á Náttúrufræðisafni Kópavogs.

Leðurblökur eru ýmist heillandi eða hryllilegar í hugum manna enda ófríðar en þær hafa það fram yfir æðri tegundir af spendýrastofninum að þær geta flogið og hafa mörg einstök einkenni eins og að hafa samskipti á ólíkri hljóðtíðni eftir tegundum, sagði Finnur í fréttum stöðvar tvö. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira