Sport

Íslenska liðið á palli í 23 greinum af 40

Óskar Ófeigur Jónsson skrifar
Ásdís Hjálmsdóttir hleypur með íslenska fánann þegar íslenska landsliðið fagnat sæti í 2. deildinni.
Ásdís Hjálmsdóttir hleypur með íslenska fánann þegar íslenska landsliðið fagnat sæti í 2. deildinni. Mynd/Gunnlaugur Júlíusson

Íslenska landsliðið í frjálsíþróttum komst upp um deild í Evrópukeppni landsliða þegar liðið endaði í 2. sæti í þriðju deild keppninnar í Tbilisi í Georgíu um helgina. Ísland átti í harðri baráttu við Ísrael um 2. sætið en endaði að lokum með fimmtán og hálfu stigi meira.

Kýpur vann 3. deildina með 495 stig og keppir ásamt Íslandi í 2. deild á næsta ári. Markmið Íslands fyrir mótið í Tbilisi var að kom­ast upp um deild, og það tókst þrátt fyrir að Hlynur Andrésson hafi verið dæmdur úr leik í 1500 metra hlaupi karla í gær fyrir að stíga á línu. Engin stig fengust fyrir þá grein en þau stig hefðu jafnvel dugað til sigurs í deildinni.

Tvö Íslandsmet féllu er karlasveitin í 4x100m (Juan Ramon, Jóhann Björn, Kolbeinn Höður, Ari Bragi) hljóp á 40,84 sekúndum og Hafdís Sigurðardóttir stökk 6,41m í langstökki. En það var íslenska liðsheildin sem kláraði dæmið.

Ísland vann fimm einstakar greinar af 40. Kristinn Torfason og Hafdís Sigurðardóttir fögnuðu bæði sigri í langstökki, Guðmundur Sverrisson vann spjótkastið og boðhlaupssveitir karla og kvenna í 4 x 400 metra hlaupum.

Hér fyrir neðan er listi yfir þau sem náðu inn á topp þrjú í sínum greinum.


Ísland meðal þriggja efstu í 3. deild EM landsliða 2014

Gull (5)
Guðmundur Sverrisson - spjótkast
Hafdís Sigurðardóttir - langstökk
Kristinn Torfason - langstökk
Karlasveitin í 4 x 400 metra hlaupi
Kvennasveitin í 4 x 400 metra hlaupi

Silfur (11)
Aníta Hinriksdóttir - 800 metra hlaup
Aníta Hinriksdóttir - 1500 metra hlaup
Ásdís Hjálmsdóttir - spjótkast
Ásdís Hjálmsdóttir - kúluvarp
Hafdís Sigurðardóttir - 400 metra hlaup
Hafdís Sigurðardóttir - þrístökk
Hrafnhild Eir Hermóðsdóttir - 200 metra hlaup
Kristín Birna Ólafsdóttir - 100 metra grindarhlaup
Kristín Birna Ólafsdóttir - 400 metra grindarhlaup
Karlasveitin í 4 x 100 metra hlaupi
Kvennasveitin í 4 x 100 metra hlaupi

Brons (7)
Arna Ýr Jónsdóttir - stangarstökk
Hilmar Örn Jónsson - sleggjukast
Hrafnhild Eir Hermóðsdóttir - 100 metra hlaup
Kári Steinn Karlsson - 5000 metra hlaup
Kolbeinn Höður Gunnarsson - 200 metra hlaup
Mark Johnson - stangarstökk
Vigdís Jónsdóttir - sleggjukast


Tengdar fréttir

Ísland enn í öðru sæti

Annar keppnisdagur er hafinn í Tiblisi í Georgíu þar sem keppt er í 3. deild Evrópukeppni landsliða í frjálsum íþróttum. Íslensku keppendurnir hafa farið ágætlega af stað í morgun og er liðið enn í öðru sæti.

Kolbeinn Höður hljóp sig inn á HM unglinga | Hafdís með Íslandsmet

Íslensku keppendurnir halda áfram að gera vel í 3. deild Evrópukeppni landsliða í frjálsum íþróttum í Tiblisi í Georgíu. Kolbeinn Höður Gunnarsson tryggði sér þátttökurétt á HM unglinga og Hafdís Sigurðardóttir vann langstökkið á nýju Íslandsmeti.

Ísland komst upp um deild

Ísland náði öðru sæti í 3. deild Evrópukeppni landsliða í frjálsum íþróttum í Tiblisi í Georgíu um helgina eftir harða baráttu við Ísrael um annað sætið. Kýpur vann deildina örugglega.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.