Víkingar semja við ungan Skota

Víkingar úr Reykjavík hafa fengið liðsstyrk fyrir átökin í Pepsi-deildinni í sumar.

Nýliðarnir eru búnir að ganga frá samningi við HarryMonaghan, tvítugan Skota sem semur til eins árs við liðið.

Hann er fæddur í Glasgow en uppalinn hjá Hibernian í Edinborg og spilaði sinn fyrsta leik með aðalliði Hibs fyrir tveimur árum.

Monaghan var síðast á mála hjá Clyde í 2. deildinni í Skotlandi en hann kemur til Íslands síðar í dag.

Skotinn ungi var á reynslu hjá Víkingum fyrr á árinu og þótti standa sig vel. Hann er fimmti leikmaðurinn sem Víkingar fá til sín í vetur.

Enski varnarmaðurinn AlanLowing kemur einnig til landsins í dag en hann gekk í raðir Víkings frá Fram eftir síðasta tímabil. Þá kom serbneski miðjumaðurinn IgorTaskovic einnig til Íslands í gær.