Langar að leggjast í bað 19. janúar 2013 06:00 Á Suðurpólnum Vilborg Arna Gissurardóttir setti upp íslenska fánann þegar hún náði suðurpólnum síðla kvölds á fimmtudag. Hún eyddi þar nóttinni í tjaldi og hélt svo í gær til Union Glacier, bækistöðvar suðurpólsfara. Eftir helgi tekur svo við ferðalagið heim. Mynd/Vilborg arna gissurardóttir Framtíðin er óráðin eftir afrek í suðurpólsgöngu hjá Vilborgu Örnu Gissurardóttur. Hún leggur af stað heim frá Suðurskautslandinu eftir helgina. Af nútíma þægindum saknaði hún helst baðsins og hreinna fata. Þrátt fyrir að hafa kalið á lærum kveðst Vilborg Arna Gissurardóttir ótrúlega vel á sig komin að lokinni 1.140 kílómetra langri 60 daga göngu á suðurpólinn. Aðstæður voru oft erfiðar sökum vinda og brunagadds. „Mér tókst að hlífa kalsárunum og vissi hvað það var mikilvægt,“ sagði hún í gær eftir að hafa gist í tjaldi sínu eina nótt á suðurpólnum sjálfum. „Og mér líður vel, bæði líkamlega og á sálinni.“ Hún sagði um hefðbundin ferðalok að ræða, þar sem hún beið við annan mann eftir fari til Union Glacier, þar sem eru bækistöðvar flestra suðurpólsfara. Þar verður hún fram yfir helgi, fram að ferðalaginu aftur heim, en á þeirri leið byrjar hún á að fljúga til Punta Arena, syðst í Síle. „En í gærkvöldi fékk ég að skoða Pólstöðina og það var ótrúlega skemmtileg upplifun,“ sagði hún og kvað hafa komið á óvart hversu góða aðstöðu væri hægt að hafa á staðnum. Vilborg Arna sagði hins vegar blendnar tilfinningar hafa togast á í sér þegar nálgaðist áfangastað. „Auðvitað var rosaleg gleði og líka feginleiki yfir að vera að ná markmiðinu eftir alla þessa vinnu. En á sama tíma finnur maður líka fyrir eftirsjá, því nú er að baki stór hluti af lífi mínu.“ Og þótt stundum hafi á móti blásið þá segist Vilborg Arna aldrei hafa leitt að því hugann að gefast upp. „En auðvitað var þetta oft erfitt,“ sagði hún. Þráin og eftirvæntingin eftir takmarkinu hafi hins vegar verið erfiðleikum yfirsterkari. Þar sem hún beið í gær eftir fari í einhvern vísi af siðmenningu sagðist Vilborg Arna helst bíða eftir að komast í bað. „Það verður náttúrulega alveg ofboðslega gott að fara í bað og komast í hrein föt.“ Annarra nútímaþæginda, á borð við tölvu og síma og þess háttar, sagðist hún merkilega lítið hafa saknað. Að ferðalagi loknu segir Vilborg Arna svo í raun allt opið hjá sér. „Það má segja að fyrir þetta hafi maður fórnað vinnu og íbúð og öllu þess háttar. Þannig að það er allt opið bara og vonandi koma einhver skemmtileg verkefni upp í hendurnar á mér.“ Í tilkynningu kemur fram að áheitasöfnun Vilborgar Örnu í þágu Lífs, styrktarfélags Kvennadeildar Landspítalans, hafi tekið kipp á síðustu dögum. Safnast hafa 8,5 milljónir króna, helmingurinn síðustu fimm daga. Enn er hægt að leggja málefninu lið. Símanúmer söfnunarinnar er 908-1515 og dragast þá 1.500 krónur af reikningi þess sem hringir. Eins er hægt að skrá áheit á heimasíðu Vilborgar, www.lifsspor.is. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Óljóst hvort þyrlan sé fundin Erlent „Fólk er bara að bíða“ Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Fleiri fréttir Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Sjá meira
Framtíðin er óráðin eftir afrek í suðurpólsgöngu hjá Vilborgu Örnu Gissurardóttur. Hún leggur af stað heim frá Suðurskautslandinu eftir helgina. Af nútíma þægindum saknaði hún helst baðsins og hreinna fata. Þrátt fyrir að hafa kalið á lærum kveðst Vilborg Arna Gissurardóttir ótrúlega vel á sig komin að lokinni 1.140 kílómetra langri 60 daga göngu á suðurpólinn. Aðstæður voru oft erfiðar sökum vinda og brunagadds. „Mér tókst að hlífa kalsárunum og vissi hvað það var mikilvægt,“ sagði hún í gær eftir að hafa gist í tjaldi sínu eina nótt á suðurpólnum sjálfum. „Og mér líður vel, bæði líkamlega og á sálinni.“ Hún sagði um hefðbundin ferðalok að ræða, þar sem hún beið við annan mann eftir fari til Union Glacier, þar sem eru bækistöðvar flestra suðurpólsfara. Þar verður hún fram yfir helgi, fram að ferðalaginu aftur heim, en á þeirri leið byrjar hún á að fljúga til Punta Arena, syðst í Síle. „En í gærkvöldi fékk ég að skoða Pólstöðina og það var ótrúlega skemmtileg upplifun,“ sagði hún og kvað hafa komið á óvart hversu góða aðstöðu væri hægt að hafa á staðnum. Vilborg Arna sagði hins vegar blendnar tilfinningar hafa togast á í sér þegar nálgaðist áfangastað. „Auðvitað var rosaleg gleði og líka feginleiki yfir að vera að ná markmiðinu eftir alla þessa vinnu. En á sama tíma finnur maður líka fyrir eftirsjá, því nú er að baki stór hluti af lífi mínu.“ Og þótt stundum hafi á móti blásið þá segist Vilborg Arna aldrei hafa leitt að því hugann að gefast upp. „En auðvitað var þetta oft erfitt,“ sagði hún. Þráin og eftirvæntingin eftir takmarkinu hafi hins vegar verið erfiðleikum yfirsterkari. Þar sem hún beið í gær eftir fari í einhvern vísi af siðmenningu sagðist Vilborg Arna helst bíða eftir að komast í bað. „Það verður náttúrulega alveg ofboðslega gott að fara í bað og komast í hrein föt.“ Annarra nútímaþæginda, á borð við tölvu og síma og þess háttar, sagðist hún merkilega lítið hafa saknað. Að ferðalagi loknu segir Vilborg Arna svo í raun allt opið hjá sér. „Það má segja að fyrir þetta hafi maður fórnað vinnu og íbúð og öllu þess háttar. Þannig að það er allt opið bara og vonandi koma einhver skemmtileg verkefni upp í hendurnar á mér.“ Í tilkynningu kemur fram að áheitasöfnun Vilborgar Örnu í þágu Lífs, styrktarfélags Kvennadeildar Landspítalans, hafi tekið kipp á síðustu dögum. Safnast hafa 8,5 milljónir króna, helmingurinn síðustu fimm daga. Enn er hægt að leggja málefninu lið. Símanúmer söfnunarinnar er 908-1515 og dragast þá 1.500 krónur af reikningi þess sem hringir. Eins er hægt að skrá áheit á heimasíðu Vilborgar, www.lifsspor.is.
Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Óljóst hvort þyrlan sé fundin Erlent „Fólk er bara að bíða“ Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Fleiri fréttir Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Sjá meira