Gaf LEX tvær klukkustundir til þess að falla frá málarekstri 16. mars 2013 18:13 LEX stefnir Jakobi Valgeiri fyrir hönd þrotabús Glitnis. Lögmannsstofan LEX hefur sent frá sér yfirlýsingu vegna bloggfærslu Sigurðar G. Guðjónssonar lögmanns sem hann birti í dag á vefsvæði Pressunnar og Vísir greindi frá, en þar kemur fram að hann hafi hótað að gera atlögu að orðspori lögmannstofunnar. Í bloggfærslunni upplýsti Sigurður að hann hefði verið kærður til siðanefndar Lögmannafélags Íslands af lögmannsstofunni fyrir hótanir. Málið snýst um skjólstæðing Sigurðar, Jakob Valgeir Flosason, sem þrotabú Glitnis hefur stefnt fyrir stjórnarsetu sína hjá skúffufyrirtækinu Stím. Það er LEX sem sér um málið fyrir þrotabúið. Í yfirlýsingunni segir meðal annars að Sigurður hafi gerst sekur um tilraun til að hindra lögmenn stofunnar í að gæta hagsmuna umbjóðenda sinna og hafi með því gerst brotlegur við siðareglur lögmanna. Hér fyrir neðan má lesa yfirlýsinguna í heild sinni: Lögmannsstofan LEX hefur kært Sigurð G. Guðjónsson hæstaréttarlögmann til úrskurðarnefndar Lögmannafélags Íslands. LEX telur Sigurð hafa gerst sekan um tilraun til að hindra lögmenn stofunnar í að gæta hagsmuna umbjóðenda sinna og hafi með því gerst brotlegur við siðareglur lögmanna. Í tölvubréfi sem fimm lögmönnum LEX barst frá Sigurði miðvikudaginn 13. mars sl. komu fram alvarlegar hótanir í garð starfsmanna LEX. Í bréfinu veitti Sigurður, lögmannsstofunni LEX, tveggja klukkustunda frest til þess að falla frá málarekstri á hendur einum af umbjóðendum Sigurðar, ellegar yrði gerð atlaga að orðspori starfsmanna lögmannsstofunnar. Þess konar hótanir eru fordæmalausar í samskiptum lögmanna hér á landi og ekki er unnt að láta slík vinnubrögð óátalin. Því var samdægurs tekin ákvörðun um að kæra háttsemi Sigurðar til Lögmannafélags Íslands. Vegna þeirra ásakana sem Sigurður hefur haft uppi er rétt að skýrt komi fram að starfsmenn LEX hafa í hvívetna sinnt störfum sínum í samræmi við lög og góða starfshætti. Vegna falls Glitnis banka fengust ekki þau gögn sem þurfti til að unnt væri að ljúka ársreikningsgerð fyrir þau félög sem Sigurður kýs að draga inn í umræðuna. Tilraunir starfsmanna LEX til að afla þeirra hjá bankanum báru ekki árangur. Auðvelt er að geta sér til um ástæður þess, enda var mikið álag á starfsfólki bankans á haustdögum 2008. Starfsmenn LEX veittu hvorki bankanum né nokkrum öðrum ráðgjöf í tengslum við stofnun umræddra félaga eða fjárfestingar þeirra. Allar ákvarðanir um fjárhagslegar skuldbindingar þeirra félaga sem Sigurður týnir til voru teknar áður en að starfsmenn LEX tóku sæti í stjórn þeirra og engin starfsemi var í félögunum á meðan á stjórnarsetu starfsmannanna stóð. Um allt þetta ætti Sigurði G. Guðjónssyni að vera full kunnugt sem stjórnarmanni Glitnis banka á þessum tíma. Þrátt fyrir það kýs hann að haga málflutningi sínum með þeim ranga og ósmekklega hætti sem raun ber vitni. Lögmannsstofan LEX átelur hótanir Sigurðar G. Guðjónssonar, enda teljast þær alvarleg tilraun til að hindra lögmenn í að gæta hagsmuna umbjóðenda sinna. Mál eins og þetta skal reka á réttum vettvangi, í sölum dómstóla, en ekki með meðulum eins og þeim sem lögmaðurinn beitir. Stím málið Mest lesið Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Merkum áfanga fagnað í verslun BYKO á Selfossi Samstarf Algjör óvissa með Dragon Dim Sum Viðskipti innlent „Gátum ekki setið og beðið endalaust“ Neytendur Hægir á verðhækkunum matvöru Neytendur Ingu Tinnu hjá Dineout gjörsamlega ofboðið Viðskipti innlent Vilja koma fleirum en Kynnisferðum inn í BSÍ Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Landsbankinn telur skilmála sína nógu skýra Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira
Lögmannsstofan LEX hefur sent frá sér yfirlýsingu vegna bloggfærslu Sigurðar G. Guðjónssonar lögmanns sem hann birti í dag á vefsvæði Pressunnar og Vísir greindi frá, en þar kemur fram að hann hafi hótað að gera atlögu að orðspori lögmannstofunnar. Í bloggfærslunni upplýsti Sigurður að hann hefði verið kærður til siðanefndar Lögmannafélags Íslands af lögmannsstofunni fyrir hótanir. Málið snýst um skjólstæðing Sigurðar, Jakob Valgeir Flosason, sem þrotabú Glitnis hefur stefnt fyrir stjórnarsetu sína hjá skúffufyrirtækinu Stím. Það er LEX sem sér um málið fyrir þrotabúið. Í yfirlýsingunni segir meðal annars að Sigurður hafi gerst sekur um tilraun til að hindra lögmenn stofunnar í að gæta hagsmuna umbjóðenda sinna og hafi með því gerst brotlegur við siðareglur lögmanna. Hér fyrir neðan má lesa yfirlýsinguna í heild sinni: Lögmannsstofan LEX hefur kært Sigurð G. Guðjónsson hæstaréttarlögmann til úrskurðarnefndar Lögmannafélags Íslands. LEX telur Sigurð hafa gerst sekan um tilraun til að hindra lögmenn stofunnar í að gæta hagsmuna umbjóðenda sinna og hafi með því gerst brotlegur við siðareglur lögmanna. Í tölvubréfi sem fimm lögmönnum LEX barst frá Sigurði miðvikudaginn 13. mars sl. komu fram alvarlegar hótanir í garð starfsmanna LEX. Í bréfinu veitti Sigurður, lögmannsstofunni LEX, tveggja klukkustunda frest til þess að falla frá málarekstri á hendur einum af umbjóðendum Sigurðar, ellegar yrði gerð atlaga að orðspori starfsmanna lögmannsstofunnar. Þess konar hótanir eru fordæmalausar í samskiptum lögmanna hér á landi og ekki er unnt að láta slík vinnubrögð óátalin. Því var samdægurs tekin ákvörðun um að kæra háttsemi Sigurðar til Lögmannafélags Íslands. Vegna þeirra ásakana sem Sigurður hefur haft uppi er rétt að skýrt komi fram að starfsmenn LEX hafa í hvívetna sinnt störfum sínum í samræmi við lög og góða starfshætti. Vegna falls Glitnis banka fengust ekki þau gögn sem þurfti til að unnt væri að ljúka ársreikningsgerð fyrir þau félög sem Sigurður kýs að draga inn í umræðuna. Tilraunir starfsmanna LEX til að afla þeirra hjá bankanum báru ekki árangur. Auðvelt er að geta sér til um ástæður þess, enda var mikið álag á starfsfólki bankans á haustdögum 2008. Starfsmenn LEX veittu hvorki bankanum né nokkrum öðrum ráðgjöf í tengslum við stofnun umræddra félaga eða fjárfestingar þeirra. Allar ákvarðanir um fjárhagslegar skuldbindingar þeirra félaga sem Sigurður týnir til voru teknar áður en að starfsmenn LEX tóku sæti í stjórn þeirra og engin starfsemi var í félögunum á meðan á stjórnarsetu starfsmannanna stóð. Um allt þetta ætti Sigurði G. Guðjónssyni að vera full kunnugt sem stjórnarmanni Glitnis banka á þessum tíma. Þrátt fyrir það kýs hann að haga málflutningi sínum með þeim ranga og ósmekklega hætti sem raun ber vitni. Lögmannsstofan LEX átelur hótanir Sigurðar G. Guðjónssonar, enda teljast þær alvarleg tilraun til að hindra lögmenn í að gæta hagsmuna umbjóðenda sinna. Mál eins og þetta skal reka á réttum vettvangi, í sölum dómstóla, en ekki með meðulum eins og þeim sem lögmaðurinn beitir.
Stím málið Mest lesið Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Merkum áfanga fagnað í verslun BYKO á Selfossi Samstarf Algjör óvissa með Dragon Dim Sum Viðskipti innlent „Gátum ekki setið og beðið endalaust“ Neytendur Hægir á verðhækkunum matvöru Neytendur Ingu Tinnu hjá Dineout gjörsamlega ofboðið Viðskipti innlent Vilja koma fleirum en Kynnisferðum inn í BSÍ Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Landsbankinn telur skilmála sína nógu skýra Viðskipti innlent Fleiri fréttir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Sjá meira