Kvenleg útkoma Andersen og Lauth - sjáðu myndirnar

Sýning Andersen og Lauth opnaði Reykjavík Fashion Festival í gær. Þetta er fyrsta línan sem Una Hlín Kristjánsdóttir hannar fyrir merkið en hún tók við sem yfirhönnuður þar á bæ fyrir skömmu. Áhrif Unu voru mjög greinileg og línan var mun töffaralegri en fyrr. Una blandaði rómantískum pallíettum, sem hafa verið einkennandi fyrir Andersen & Lauth, saman við leður, loð og ull. Útkoman var kvenleg en á sama tíma töffaraleg lína sem var full af glamúr.