Utan vallar: Bikarmeistararnir úr leik við fyrstu hindrun Kolbeinn Tumi Daðason skrifar 7. janúar 2012 08:00 Bikarmeistarar Manchester City taka á móti grönnum sínum í United í hádeginu á sunnudag í þriðju umferð ensku bikarkeppninnar í knattspyrnu. Eftir 1-6 niðurlæginguna á Old Trafford fyrr í vetur eru einhverjir farnir að líta á United sem litla liðið í Manchester. Heimamenn þykja í það minnsta líklegri til sigurs en enska bikarkeppnin hefur svo sannarlega boðið upp á óvænt úrslit í gegnum tíðina. Nítján ár eru liðin síðan „lítið" lið frá Manchester-svæðinu heimsótti þáverandi bikarmeistara og sló þá óvænt úr keppni. Stuðningsmenn Liverpool minnast þjálfaratíðar Graeme Souness ekkert sérstaklega vel. Sumir tengja hnignun óumdeilds stórveldis 9. áratugarins við Skotann skapstóra. Stuðningsmennirnir fögnuðu þó vel og innilega vorið 1992 þegar Liverpool vann 2-0 sigur á B-deildarliði Sunderland í úrslitum enska bikarsins á gamla Wembley. Bikarinn reyndist síðasti „stóri" bikarinn sem bættist í troðfulla verðlaunaskápana á Anfield í tæpan áratug. Óhætt er að segja að bikarvörnin árið eftir hafi ekki gengið eins og í sögu. Liverpool dróst á móti Bolton í 3. umferð keppninnar. Á þeim tíma léku lærisveinar Bruce Rioch í ensku C-deildinni og reiknuðu fáir með að liðið yrði nokkur fyrirstaða. Leikið var á Burnden Park, gamla heimavelli Bolton, þar sem verslunarmiðstöð stendur í dag. Heimamenn komust tveimur mörkum yfir í fyrri hálfleik og stuðningsmennirnir trúðu, skiljanlega, ekki sínum eigin augum. Liverpool náði þó að bjarga andlitinu í síðari hálfleik og jöfnunarmark Ian Rush tryggði bikarmeisturunum 2-2 jafntefli. Leikið yrði að nýju á Anfield sem hlaut að þýða að draumur Bolton-manna um sæti í 4. umferð væri úr sögunni. Eða hvað? Á Anfield sýndu gestirnir allar sínar bestu hliðar og spiluðu á köflum frábæran fótbolta. Skallamörk frá skosku framherjunum John McGinley og Andy Walker sitthvorumegin við leikhléið urðu til þess að landi þeirra í knattspyrnustjórastól Liverpool upplifði eitt sitt versta kvöld á Anfield. Sérstaklega skal minnst á frammistöðu kantmannsins David Lee sem átti örugglega besta leik ævi sinnar og lék sér endurtekið að varnarmönnum Liverpool. Bolton sló út B-deildarlið Wolves í næstu umferð áður en liðið lá gegn Derby County í 5. umferð. Undirritaður er meðvitaður um að vinni United 2-0 sigur á City á sunnudag muni sparkspekingar ekki missa hökuna í gólfið yfir úrslitunum líkt og 1993. Ár og dagar (1 ár og 17 dagar) eru hins vegar síðan City tapaði síðast á heimavelli og raunar hafa flest lið verið yfirspiluð á Etihad-vellinum síðan þar sem heimamenn virðast skora að vild. Sjálfstraust City er bullandi eftir upprúllun á Liverpool meðan vængbrotnir Englandsmeistararnir virðast þurfa á kraftaverki að halda eftir niðurlægjandi tap gegn Newcastle, þeirra annað í röð. Hvernig sem fer skyldi enginn líta á leikinn sem úrslitaleik í þessari elstu knattspyrnukeppni sögunnar. Það telst nefnilega saga til næsta bæjar takist liðum að verja titil sinn og hefur aðeins þrisvar gerst á síðustu þrjátíu árum. Sigur í leiknum er aðeins fyrsta skrefið af fimm á leiðinni á Wembley. Eitt misstig og ballið er búið. Enski boltinn Pistillinn Mest lesið „Grét rosa mikið út af öllu og engu“ Sport Aðstoðardómarinn bað Bæjara afsökunar: „Þetta er hörmung“ Fótbolti Myndaveisla frá risasigrinum á Eistum Handbolti Gagnrýnir lítinn stuðning við afreksíþróttafólk: „Upphæðin ein og sér er grín“ Handbolti Tekst Glódísi að hrifsa „barnið“ af Popp í dag? Fótbolti Leik lokið: Stjarnan - Keflavík 86-79 | Einvígið á leið í oddaleik Körfubolti Stuðningurinn ómetanlegur: „Farið í dýpstu leyndarmálin“ Sport Færeyingar hársbreidd frá fyrsta heimsmeistaramótinu Handbolti Eiginkona Jokic í hjartnæmu myndbandi um þann besta Körfubolti Hafnað af Stoke og var stuðningsmaður Real síðast Fótbolti Fleiri fréttir Rodri kemur ekki til greina en Spánn á bestu stjórana Rekinn þrátt fyrir að vera tilnefndur sem þjálfari ársins Telja að Man United hafi saknað leiðtogahæfileika Martínez Forest í bullandi fallhættu vegna bulls í fjármálum Segir að Casemiro hafi verið aðhlátursefni gegn Palace „Síðasti naglinn í kistu Ten Hag“ Ten Hag: Leikmennirnir hefðu átt að halda áfram að berjast líkt og stuðningsfólkið Crystal Palace lék sér að Man United Van Dijk vill hjálpa til við að skrifa næsta kafla Liverpool Eyddi öllum Liverpool-myndum Dómarinn verður með myndavél á höfðinu Lopetegui tekur við West Ham Lýsti Haaland sem „ofdekruðum krakka“ Miðvarðamartröð Man United heldur áfram Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Sjá meira
Bikarmeistarar Manchester City taka á móti grönnum sínum í United í hádeginu á sunnudag í þriðju umferð ensku bikarkeppninnar í knattspyrnu. Eftir 1-6 niðurlæginguna á Old Trafford fyrr í vetur eru einhverjir farnir að líta á United sem litla liðið í Manchester. Heimamenn þykja í það minnsta líklegri til sigurs en enska bikarkeppnin hefur svo sannarlega boðið upp á óvænt úrslit í gegnum tíðina. Nítján ár eru liðin síðan „lítið" lið frá Manchester-svæðinu heimsótti þáverandi bikarmeistara og sló þá óvænt úr keppni. Stuðningsmenn Liverpool minnast þjálfaratíðar Graeme Souness ekkert sérstaklega vel. Sumir tengja hnignun óumdeilds stórveldis 9. áratugarins við Skotann skapstóra. Stuðningsmennirnir fögnuðu þó vel og innilega vorið 1992 þegar Liverpool vann 2-0 sigur á B-deildarliði Sunderland í úrslitum enska bikarsins á gamla Wembley. Bikarinn reyndist síðasti „stóri" bikarinn sem bættist í troðfulla verðlaunaskápana á Anfield í tæpan áratug. Óhætt er að segja að bikarvörnin árið eftir hafi ekki gengið eins og í sögu. Liverpool dróst á móti Bolton í 3. umferð keppninnar. Á þeim tíma léku lærisveinar Bruce Rioch í ensku C-deildinni og reiknuðu fáir með að liðið yrði nokkur fyrirstaða. Leikið var á Burnden Park, gamla heimavelli Bolton, þar sem verslunarmiðstöð stendur í dag. Heimamenn komust tveimur mörkum yfir í fyrri hálfleik og stuðningsmennirnir trúðu, skiljanlega, ekki sínum eigin augum. Liverpool náði þó að bjarga andlitinu í síðari hálfleik og jöfnunarmark Ian Rush tryggði bikarmeisturunum 2-2 jafntefli. Leikið yrði að nýju á Anfield sem hlaut að þýða að draumur Bolton-manna um sæti í 4. umferð væri úr sögunni. Eða hvað? Á Anfield sýndu gestirnir allar sínar bestu hliðar og spiluðu á köflum frábæran fótbolta. Skallamörk frá skosku framherjunum John McGinley og Andy Walker sitthvorumegin við leikhléið urðu til þess að landi þeirra í knattspyrnustjórastól Liverpool upplifði eitt sitt versta kvöld á Anfield. Sérstaklega skal minnst á frammistöðu kantmannsins David Lee sem átti örugglega besta leik ævi sinnar og lék sér endurtekið að varnarmönnum Liverpool. Bolton sló út B-deildarlið Wolves í næstu umferð áður en liðið lá gegn Derby County í 5. umferð. Undirritaður er meðvitaður um að vinni United 2-0 sigur á City á sunnudag muni sparkspekingar ekki missa hökuna í gólfið yfir úrslitunum líkt og 1993. Ár og dagar (1 ár og 17 dagar) eru hins vegar síðan City tapaði síðast á heimavelli og raunar hafa flest lið verið yfirspiluð á Etihad-vellinum síðan þar sem heimamenn virðast skora að vild. Sjálfstraust City er bullandi eftir upprúllun á Liverpool meðan vængbrotnir Englandsmeistararnir virðast þurfa á kraftaverki að halda eftir niðurlægjandi tap gegn Newcastle, þeirra annað í röð. Hvernig sem fer skyldi enginn líta á leikinn sem úrslitaleik í þessari elstu knattspyrnukeppni sögunnar. Það telst nefnilega saga til næsta bæjar takist liðum að verja titil sinn og hefur aðeins þrisvar gerst á síðustu þrjátíu árum. Sigur í leiknum er aðeins fyrsta skrefið af fimm á leiðinni á Wembley. Eitt misstig og ballið er búið.
Enski boltinn Pistillinn Mest lesið „Grét rosa mikið út af öllu og engu“ Sport Aðstoðardómarinn bað Bæjara afsökunar: „Þetta er hörmung“ Fótbolti Myndaveisla frá risasigrinum á Eistum Handbolti Gagnrýnir lítinn stuðning við afreksíþróttafólk: „Upphæðin ein og sér er grín“ Handbolti Tekst Glódísi að hrifsa „barnið“ af Popp í dag? Fótbolti Leik lokið: Stjarnan - Keflavík 86-79 | Einvígið á leið í oddaleik Körfubolti Stuðningurinn ómetanlegur: „Farið í dýpstu leyndarmálin“ Sport Færeyingar hársbreidd frá fyrsta heimsmeistaramótinu Handbolti Eiginkona Jokic í hjartnæmu myndbandi um þann besta Körfubolti Hafnað af Stoke og var stuðningsmaður Real síðast Fótbolti Fleiri fréttir Rodri kemur ekki til greina en Spánn á bestu stjórana Rekinn þrátt fyrir að vera tilnefndur sem þjálfari ársins Telja að Man United hafi saknað leiðtogahæfileika Martínez Forest í bullandi fallhættu vegna bulls í fjármálum Segir að Casemiro hafi verið aðhlátursefni gegn Palace „Síðasti naglinn í kistu Ten Hag“ Ten Hag: Leikmennirnir hefðu átt að halda áfram að berjast líkt og stuðningsfólkið Crystal Palace lék sér að Man United Van Dijk vill hjálpa til við að skrifa næsta kafla Liverpool Eyddi öllum Liverpool-myndum Dómarinn verður með myndavél á höfðinu Lopetegui tekur við West Ham Lýsti Haaland sem „ofdekruðum krakka“ Miðvarðamartröð Man United heldur áfram Markasúpa þegar Liverpool komst á sigurbraut Markaveisla hjá Chelsea á móti nágrönnum sínum Lehmann keypti „Invincibles“ nafnið eftir að Arsenal sofnaði á verðinum Fengu myndsímtal frá Ed Sheeran í búningsklefanum Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Skoraði fernu og Englandsmeistararnir halda í við Skytturnar Newcastle fór illa með Jóa Berg og félaga á Turf Moor Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Arteta segir að Gabriel Jesus sé ekki á förum í sumar Clattenburg hættur og segist hafa verið skotmark sérfræðinga Luton mistókst að koma sér úr fallsæti Sala drykkjarins í hæstu hæðum eftir myndirnar af Haaland Sjá meira