Innlent

Vel heppnuð aðgerð

Kristján Möller skoðaði aðstæður í gær. Mynd/ GVA.
Kristján Möller skoðaði aðstæður í gær. Mynd/ GVA.

„Þessi aðgerð, að rjúfa hringveginn til að bjarga Markarfljótsbrúnni, heppnaðist fullkomlega. Hér hefur verið unnið mikið og gott verk," sagði Kristján Möller samgönguráðherra þegar hann virti fyrir sér aðstæður á veginum við Markarfljótsbrúna um hádegisbil í gær.

„Það er magnað að sjá þetta - hversu hátt upp flóðið hefur náð," sagði ráðherrann, á meðan hann fylgdist með starfsmönnum Suðurverks ýta fyrstu stóru hlössunum af jarðvegi upp í gatið á veginum.

Með Kristjáni í för var Hreinn Haraldsson vegamálastjóri. Að hans sögn hleypur tjónið á svæðinu sem Vegagerðin ber kostnað af líklega á tugum milljóna - að stærstum hluta vegna rofsins á veginum.

Kristján segir það ódýra aðgerð, miðað við áhættuna af því að brúin yfir Markarfljót eyðilegðist. Slíkar skemmdir hefðu getað kostað upp undir milljarð, að hans sögn. - sh





Eldgos og jarðhræringar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið