Innlent

Í miðju kafi við mjaltirnar

Á heimleið Hafsteinn Jónsson var í fjöldahjálparmiðstöðinni í Hvolsvelli ásamt Magneu Ósk, 17 mánaða dóttur sinni. Hann beið þess að geta komist heim aftur, enda biðu 20 kýr þess að vera mjólkaðar.Mynd/Egill Bjarnason
Á heimleið Hafsteinn Jónsson var í fjöldahjálparmiðstöðinni í Hvolsvelli ásamt Magneu Ósk, 17 mánaða dóttur sinni. Hann beið þess að geta komist heim aftur, enda biðu 20 kýr þess að vera mjólkaðar.Mynd/Egill Bjarnason

„Ég var á miðju kafi við mjaltir þegar aðvörun barst í gemsann,“ segir Hafsteinn Jónsson. Hann var staddur í fjöldahjálparstöðinni í Hvolsskóla um klukkan hálf níu í gærkvöldi. Hann var strax farinn að búa sig til farar aftur heim í Akurey í Vestur-Landeyjum.

Hafsteinn og fjölskylda hans taka hamförunum með ró. „Maður er við þessu búinn. Auðvitað væri betra að þurfa ekki alltaf að yfirgefa bæ að kvöldi eða nóttu,“ segir Hafsteinn.

Hann sagðist ekki koma til með að notfæra sér áfallahjálp Rauða krossins í Hvolsskóla. „Kannski seinna, þegar ég hef tíma. Einmitt núna verð ég að drífa mig aftur í mjaltir, ég á tuttugu kýr eftir.“ - eb

Eldgos og jarðhræringar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið