Mikilvægt að vilja breytast Jón Aðalsteinn Bergsveinsson skrifar 9. apríl 2008 00:01 Markþjálfinn Mikael Söderman segir mikilvægt að fólk sem leiti til hans vilji virkilega breytast til hins betra. Hann vill sjá þátttakendur á námskeiðum hans úrvinda þegar yfir lýkur. Markaðurinn/Arnþór „Fólk verður að vera opið fyrir því að vilja breytast. Sé það lokað og neikvætt skilar markþjálfun litlum árangri,“ segir Mikael Söderman, ráðgjafi og markþjálfi. Markþjálfun (e. coaching) hefur slegið í gegn hér á landi. Er nú svo komið að leitun er að þeim einstaklingi sem ekki hefur farið á eitt af þeim fjölda námskeiða sem í boði eru, sem eiga að bæta þá sem leiðtoga í víðustu merkingu orðsins – jafnt í daglegu starfi sem eigin lífi. Með þjálfuninni er leitast við að þátttakandi verði meðvitaður um eigin hegðun, láti af slæmum vana og reyni að laða fram það besta úr samstarfsfólki sínu. Atriði sem þessi skipta stórkostlegu máli, ekki síst fyrir rekstur fyrirtækja. Sé stjórnandinn góður verður samstarfsfólk hans ánægðara og afköstin eftir því meiri. „Það getur svo skilað sér í auknum tekjum hjá fyrirtækinu og þá eru allir ánægðir,“ segir Mikael og hlær. Ýmsar upphæðir hafa verið nefndar fyrir námskeið á borð við það sem Mikael býður upp á. Við ræðum engar upphæðir en heyrst hefur að hans leið kosti um milljón á mann. En upphæðir skipta kannski minna máli en niðurstaðan, endastöðin. „Þetta kemur út á eitt: viðhorf fólks til leiðtogans og merkin sem hann sendir frá sér,“ segir hann. Mikael segir að mikilvægt sé að þátttakendur í námskeiðum hans vilji virkilega breytast. „Ég er ekki endilega að segja að haft sé samband við mig þegar allt er komið í hnút, fyrirtækið í krísu, þótt það gerist auðvitað stundum, heldur vill það breytast, ganga inn í nýja tíma – segjum framtíðina. Fyrirtæki eru bara fólk sem vill halda áfram og þróast,“ segir hann og leggur áherslu á að breytist starfsfólk fyrirtækja ekki sé hætta á stöðnun þess, bæði í starfi sem daglegu lífi. Þrátt fyrir tiltölulega ungan aldur, en Mikael er 35 ára, hefur hann sjálfur upplifað talsverðar breytingar, jafnt utan sem innan veggja þeirra fyrirtækja sem hann hefur starfað hjá í sænskum orku- og fjarskiptageira. Hann hefur síðastliðin sjö ár ferðast um heiminn og þjálfar starfsfólk fyrirtækja af ýmsum stærðum. Þar af hefur Mikael síðastliðin fjögur ár komið hingað til lands einu sinni í mánuði, allt upp í viku í senn, og þjálfað forstjóra, framkvæmdastjóra og millistjórnendur hjá fjölmörgum íslenskum fyrirtækjum. Það orðspor fer af honum að hann sé góð fyrirmynd, harður í horn að taka, nagli sem leggi mikið upp úr nákvæmni og stundvísi. Það ætti að vera íslenskum stjórnendum ágæt lexía enda telur Mikael Íslendinga skorta aga. „Þeir eru kærulausir,“ segir hann. „En það getur þó haft kosti og galla.“ Aga segist hann þekkja ágætlega eftir veru sína í sérsveitum sænska hersins á árum áður. Þekkingin sem hann aflaði sér þar nýtist vel í lífi og starfi, að hans sögn. Mikael segir að gjarnan komi stjórnendur fyrirtækja að máli við hann. Þeir vilji bjóða starfsfólki sínu upp á krydd í fyrirtækjatilveruna og hafi dottið í hug að fá hann til að messa yfir mannskapnum. „Ég hristi bara höfuðið og vísa þeim annað,“ segir Mikael. „Fólk verður virkilega að langa til að koma til mín. Annars verður árangurinn enginn eða skammvinnur,“ segir hann og tæpir á því að helst vilji hann sjá þátttakendur úrvinda þegar hann hefur lokið sér af. „Það sýnir að viðkomandi lagði mikið á sig,“ segir Mikael. Héðan og þaðan Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Muni gera meiri kröfur til áfengiskaupenda en flestir aðrir Viðskipti innlent „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf Merkum áfanga fagnað í verslun BYKO á Selfossi Samstarf „Gátum ekki setið og beðið endalaust“ Neytendur Hægir á verðhækkunum matvöru Neytendur Algjör óvissa með Dragon Dim Sum Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Vilja koma fleirum en Kynnisferðum inn í BSÍ Viðskipti innlent Landsbankinn telur skilmála sína nógu skýra Viðskipti innlent Fleiri fréttir Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Sjá meira
„Fólk verður að vera opið fyrir því að vilja breytast. Sé það lokað og neikvætt skilar markþjálfun litlum árangri,“ segir Mikael Söderman, ráðgjafi og markþjálfi. Markþjálfun (e. coaching) hefur slegið í gegn hér á landi. Er nú svo komið að leitun er að þeim einstaklingi sem ekki hefur farið á eitt af þeim fjölda námskeiða sem í boði eru, sem eiga að bæta þá sem leiðtoga í víðustu merkingu orðsins – jafnt í daglegu starfi sem eigin lífi. Með þjálfuninni er leitast við að þátttakandi verði meðvitaður um eigin hegðun, láti af slæmum vana og reyni að laða fram það besta úr samstarfsfólki sínu. Atriði sem þessi skipta stórkostlegu máli, ekki síst fyrir rekstur fyrirtækja. Sé stjórnandinn góður verður samstarfsfólk hans ánægðara og afköstin eftir því meiri. „Það getur svo skilað sér í auknum tekjum hjá fyrirtækinu og þá eru allir ánægðir,“ segir Mikael og hlær. Ýmsar upphæðir hafa verið nefndar fyrir námskeið á borð við það sem Mikael býður upp á. Við ræðum engar upphæðir en heyrst hefur að hans leið kosti um milljón á mann. En upphæðir skipta kannski minna máli en niðurstaðan, endastöðin. „Þetta kemur út á eitt: viðhorf fólks til leiðtogans og merkin sem hann sendir frá sér,“ segir hann. Mikael segir að mikilvægt sé að þátttakendur í námskeiðum hans vilji virkilega breytast. „Ég er ekki endilega að segja að haft sé samband við mig þegar allt er komið í hnút, fyrirtækið í krísu, þótt það gerist auðvitað stundum, heldur vill það breytast, ganga inn í nýja tíma – segjum framtíðina. Fyrirtæki eru bara fólk sem vill halda áfram og þróast,“ segir hann og leggur áherslu á að breytist starfsfólk fyrirtækja ekki sé hætta á stöðnun þess, bæði í starfi sem daglegu lífi. Þrátt fyrir tiltölulega ungan aldur, en Mikael er 35 ára, hefur hann sjálfur upplifað talsverðar breytingar, jafnt utan sem innan veggja þeirra fyrirtækja sem hann hefur starfað hjá í sænskum orku- og fjarskiptageira. Hann hefur síðastliðin sjö ár ferðast um heiminn og þjálfar starfsfólk fyrirtækja af ýmsum stærðum. Þar af hefur Mikael síðastliðin fjögur ár komið hingað til lands einu sinni í mánuði, allt upp í viku í senn, og þjálfað forstjóra, framkvæmdastjóra og millistjórnendur hjá fjölmörgum íslenskum fyrirtækjum. Það orðspor fer af honum að hann sé góð fyrirmynd, harður í horn að taka, nagli sem leggi mikið upp úr nákvæmni og stundvísi. Það ætti að vera íslenskum stjórnendum ágæt lexía enda telur Mikael Íslendinga skorta aga. „Þeir eru kærulausir,“ segir hann. „En það getur þó haft kosti og galla.“ Aga segist hann þekkja ágætlega eftir veru sína í sérsveitum sænska hersins á árum áður. Þekkingin sem hann aflaði sér þar nýtist vel í lífi og starfi, að hans sögn. Mikael segir að gjarnan komi stjórnendur fyrirtækja að máli við hann. Þeir vilji bjóða starfsfólki sínu upp á krydd í fyrirtækjatilveruna og hafi dottið í hug að fá hann til að messa yfir mannskapnum. „Ég hristi bara höfuðið og vísa þeim annað,“ segir Mikael. „Fólk verður virkilega að langa til að koma til mín. Annars verður árangurinn enginn eða skammvinnur,“ segir hann og tæpir á því að helst vilji hann sjá þátttakendur úrvinda þegar hann hefur lokið sér af. „Það sýnir að viðkomandi lagði mikið á sig,“ segir Mikael.
Héðan og þaðan Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Muni gera meiri kröfur til áfengiskaupenda en flestir aðrir Viðskipti innlent „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf Merkum áfanga fagnað í verslun BYKO á Selfossi Samstarf „Gátum ekki setið og beðið endalaust“ Neytendur Hægir á verðhækkunum matvöru Neytendur Algjör óvissa með Dragon Dim Sum Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Vilja koma fleirum en Kynnisferðum inn í BSÍ Viðskipti innlent Landsbankinn telur skilmála sína nógu skýra Viðskipti innlent Fleiri fréttir Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Sjá meira