Erlent

NASA kynnir arftaka Hubble geimsjónaukans

Sigríður Elva Vilhjálmsdóttir skrifar

Geimferðastofnun Bandaríkjanna, NASA, kynnti James Webb geimsjónaukan á fundi félags stjörnufræðinga í Seattle á dögunum. Honum er ætlað að leysa Hubble af hólmi.

James Webb verður mun stærri og á braut töluvert fjær jörðu en Hubble, eða í 1.5 kílómetra fjarlægð. Þessi 4,5 milljarða dala sjónauki verður útbúinn 6,5 metra breiðum spegli - þrisvar sinnum stærri en forverans. Áætlað er að skjóta sjónaukanum út í geim árið 2013 og binda vísindamenn vonir við að sjá enn lengra aftur í tímann með honum.

,,Við þurfum mikið stærri sjónauka til að horfa lengra aftur í tímann, allt aftur að fæðingu alheimsins." segir Edward Weiler forstöðumaður Goddard geimflugs stofnunarinnar.

Hubble hefur frá árinu 1990 sent til jarðar myndir af sólkerfinu, fjarlægum stjörnum og vetrarbrautum sem mynduðust stuttu eftir Miklahvell.

Vísindi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið