Viðskipti innlent

Stærsta samfélagsverkefnið hingað til

Tryggvi Þór Haraldsson, forstjóri RARIK, afhendir Benedikt Sigurðarsyni skjal sem staðfestir tuttugu milljóna króna framlag RARIK til Orkuvarðar hf.
Tryggvi Þór Haraldsson, forstjóri RARIK, afhendir Benedikt Sigurðarsyni skjal sem staðfestir tuttugu milljóna króna framlag RARIK til Orkuvarðar hf.

Í tilefni af sextíu ára afmæli RARIK tekur félagið nú þátt í stærsta samfélagsverkefni sínu hingað til. Stjórn þess hefur ákveðið að lagðar verði tuttugu milljónir króna í fyrirtækið Orkuvörð. Munu þær nýtast til stofnunar orkuskóla á Akureyri.

Í fréttatilkynningu frá RARIK segir að Orkuvörður ehf. hafi það eina hlutverk að stofna og reka sérhæfðan háskóla á sviði endurnýjanlegra orkugjafa, School for Renewable Energy. Mikil þekking sé nú þegar til staðar á sviði endurnýjanlegra orkugjafa á Íslandi. Með stofnun orkuskólans sé tryggt að landið verði áfram í forystuhlutverki í heiminum á sviði endurnýjanlegrar orku.

Undirbúningur að stofnun orkuskóla á Akureyri hefur staðið frá árinu 2004. Stefnt er að því þar verði boðið B.Sc.-nám í orkufræðum ásamt eins árs meistaranámi. Gert er ráð fyrir að skólinn hefji starfsemi haustið 2007. 

Héðan og þaðan


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið